काँग्रेसच्या तीन दिवसीय चिंतन शिबिरात देशभरातील काँग्रेसचे (Congress) बडे नेते सहभागी झाले होते. चर्चेसाठी सहा गट तयार करण्यात आले होते. सर्वांच्या प्रस्तावांवर विचारमंथन केल्यानंतर काँग्रेस कार्यकारिणीने शिक्कामोर्तब केले आहे. बैठकीत यूपीए सरकारच्या कामगिरीचाही उल्लेख करण्यात आला. चिंतन शिबिरानंतर दिलेल्या निवेदनात म्हटले आहे की, सध्याचे मोदी सरकार मागास जातींकडे दुर्लक्ष करीत आहे. काँग्रेसने प्रथमच जात जनगणनेची बाजू मांडली आहे. यावरून काँग्रेस आता ओबीसी कार्डकडे (OBC card) पूर्ण लक्ष देणार असल्याचे स्पष्ट झाले आहे. (Congress focuses on OBC card)

यूपीए सरकारच्या काळात जातीवरून करण्यात आलेली जनगणना सध्याचे सरकार सार्वजनिक करण्यास तयार नाही, असे काँग्रेस (Congress) पक्षाच्या वतीने सांगण्यात आले. मागासलेल्या जातींना त्यांच्या हक्कांपासून वंचित ठेवायचे आहे, हा त्यामागचा थेट उद्देश आहे. आता काँग्रेस जातींच्या जनगणनेचा (Caste will demand census) डेटा सार्वजनिक करण्यासाठी आणि मागसलेल्यांना त्यांचे हक्क मिळवून देण्यासाठी लढा देणार आहे.

काश्मीर ते कन्याकुमारी अशी ‘भारत जोडो’ यात्रा काढण्याचा निर्णय काँग्रेसने घेतला आहे. ऑगस्ट महिन्यात ही मोहीम राबवण्यात येणार असल्याचे पक्षातर्फे सांगण्यात आले. या यात्रेचा संबंध महात्मा गांधींशी सांगितला आहे. खरे तर २०२२ मध्ये ‘भारत छोडो’ आंदोलनाला ८० वर्षे पूर्ण होत आहेत. महात्मा गांधींनी १९४२ मध्ये ही चळवळ सुरू केली.