भारतात गेल्या 24 तासात 2 लाख 58 हजार 89 कोरोना केसेसची नोंद झाली आहे. कालच्या तुलनेत 13,113 ने केसेस कमी झाल्या आहेत. तर, चोवीस तासात 385 जणांचा कोरोनामुळे मृत्यू झाला आहे. त्यासोबतच एक लाख 51 हजार 740 रुग्ण बरे झाले आहेत. (Indian Corona Cases toaday)

सध्या देशात सक्रिय रुग्णांची संख्या 16 लाख 56 हजार 341 वर गेली आहे. तर दैनंदिन पॉझिटिव्हिटी रेट 119.65 टक्के झालाय. ओमिक्रॉनच्या रुग्णंसंख्येत वाढ झाल्याचं पाहायला मिळतंय. देशात 8 हजार 209 ओमिक्रॉन बाधितांची नोंद झाली आहे. (Omicron in india)

मुंबईला दिलासा तर महाराष्ट्रातील रुग्णसंख्या स्थिर

राज्यामध्ये एकूण 41,327 नवे रुग्ण आढळले आहेत. तर दुसरीकडे राज्यात आज 29 रुग्णांचा मृत्यू झाला आहे. सध्या राज्यातील मृत्यूदर 1.96 टक्के एवढा आहे. आज राज्यामध्ये 40386 रुग्ण बरे झाले आहेत. या नव्या रुग्णांसह आतापर्यंत एकूण 68,00,900 बरे झाले आहेत. यामुळे सध्या राज्याचा रिकव्हरी रेट 94.3 टक्के एवढा झाला आहे.

मुंबईतही दिलासादायक चित्र

मुंबईमध्ये एकूण ७ हजार ८९५ कोरोना रुग्ण आढळले आहेत. तर ११ जणांचा मृत्यू झाला आहे. कोरोनाची रुग्णसंख्या कमी झाल्याने दिलासा मिळाला आहे. काल मुंबईमध्ये आज 10,661 नव्या कोरोना बाधितांची (Corona Cases In Mumbai) नोंद करण्यात आली होती.

मुंबईत मागली आठवड्यात कोरोनाचा उद्रेक झाल्याचं पाहायला मिळालं होतं. दिवसाला 20 हजारांच्या वर रुग्णसंख्या झाली होती. मात्र अचानक पॉझिटिव्ह होणऱ्यांची संख्या घसरल्याने तात्पुरता दिला मिळाला आहे.