पठाणकोठ (पंजाब) : जगभरात कोरोना व्हायरसने धुमाकूळ घालायला सुरवात केल्यापासून अनेकांवर बिकट परिस्थिती ओढावली आहे. पण, या परिस्थितीमध्ये एकमेकांना मदत करणे हीच खरी सेवा समजली जात आहे. एका भिकाऱयाने मनाची श्रीमंती दाखवून दिली आहे. या भिकाऱयावर परिसरासह सोशल मीडियातून कौतुकाचा वर्षाव होत आहे.

...म्हणून डॉक्टर रुग्णालयासमोरच विकतोय चहा

पठाणकोट परिसरात एक राजू नावाचा दिव्यांग भिकारी दिवसभर भिक मागून आपली गुजरान करतो. तीन पायाच्या सायकलवरून दिवसभर तो ठिकठिकाणी फिरत असतो. आपली गरज भागल्यानंतर उर्वरित पैसे शिल्लक ठेवले आहेत. पण, कोरोना व्हायरस आणि लॉकडाऊनमुळे उद्भवलेल्या परिस्थितीत अनेकजण समाजसेवेसाठी पुढे येत आहेत. राजूनेही समाजाकडून मिळालेले दान समाजासाठी खर्च करण्याचे ठरवले. राजूने शिल्लक असलेल्या पैशांमधून तब्बल 100 कुटुंबांना धान्य दिले असून, तीन हजार मास्कचे वाटप केले आहे.

...म्हणून चोरली सायकल; माफीनामा व्हायरल

राजूने यापूर्वीही मनाची श्रीमंती दाखवून दिली आहे. अनेक मुलांची शाळेची फी भरली आहे. शिवाय, गरीब मुलींच्या विवाहाची व्यवस्था करून ठेवली आहे. राजू म्हणाला, 'भिक मागून उरलेले पैसे साठवून ठेवतो. समाजाचे पैसे गोरगरिबांसाठी दान करतो. 22 मुलींच्या विवाहासाठी पैसे खर्च केले आहेत. यापुढेही गरीब मुलींच्या विवाहासाठी खर्च करणार आहे. उन्हाळ्यात अनेकांना प्यायला पाणी मिळत नाही, त्यावेळी सुद्धा पैसे खर्च करून पाण्याची व्यवस्था करतो.'

Video: आधुनिक युगातील 11 वर्षाचा श्रावणबाळ...