उत्तर प्रदेशमध्ये (UP assembly election 2022) काँग्रेस पक्षाला (congress) आणखी एक मोठा धक्का बसला आहे. ज्योतिरादित्य सिंधिया (jyotiraditya sindhiya) यांच्यानंतर आता राहुल गांधींच्या (rahul gandhi) कोअर टीमचा भाग असलेले माजी केंद्रीय मंत्री रतनजीत नारायण प्रताप उर्फ ​​आरपीएन सिंह (RPN singh) , जितिन प्रसाद (jitin prasad) यांनीही पक्षाचा राजीनामा दिला आहे. ते आज भाजपमध्ये (bjp) प्रवेश करू शकतात. गेल्या अनेक दिवसांपासून आरपीएन सिंग काँग्रेस सोडणार असल्याची चर्चा होती. त्याने ट्विटरवर बायो देखील बदलला आहे. (Congress Leader RPN Singh Resigns From Party)

प्रियंका गांधी यांना मोठा झटका

कुशीनगरचे खासदार असलेले आरपीएन सिंह हे पदरौना राजघराण्यातील आहेत. 2009 च्या लोकसभा निवडणुकीत त्यांनी स्वामी प्रसाद मौर्य यांचाही पराभव केला होता. भारतीय जनता पक्षात प्रवेश झाल्यास काँग्रेस आणि यूपीमध्ये प्रचार करणाऱ्या प्रियंका गांधी यांना मोठा झटका बसणार आहे.

काँग्रेसच्या प्राथमिक सदस्यत्वाचा राजीनामा

काँग्रेसच्या अध्यक्षा सोनिया गांधी यांच्याकडे राजीनामा सुपूर्द करताना आरपीएन सिंह यांनी लिहिले की, 'आज संपूर्ण देश प्रजासत्ताक दिन साजरा करत आहे, तेव्हा मी माझ्या राजकीय जीवनात एक नवीन अध्याय सुरू करत आहे. जय हिंद.' देश, जनता आणि पक्षाची सेवा करण्याची संधी दिल्याबद्दल आभार मानत त्यांनी काँग्रेसच्या प्राथमिक सदस्यत्वाचा राजीनामा दिला.

सूत्रांनी दिलेल्या माहितीनुसार, पडरौना येथून घोषित उमेदवार आरपीएन सिंह यांच्यासह मनीष जयस्वाल, कुशीनगर काँग्रेसचे माजी जिल्हाध्यक्ष राजकुमार सिंह हेही काँग्रेस सोडून भाजपमध्ये प्रवेश करणार आहेत. मिळालेल्या माहितीनुसार, जिल्ह्यातील 3 विधानसभा जागांवर हे सर्व उमेदवार भाजपच्या वतीने करण्यात येणार आहेत. आरपीएन सिंग स्वतः यावेळी विधानसभा निवडणूक लढवणार नसून भविष्यात भाजपकडून मोठे पद दिले जाऊ शकते.