तिरुवनंतरुपुरम (केरळ) : लॉकडाऊनदरम्यान व्यवसाय ठप्प झाले होते. पण, लॉकडाऊन उठल्यानंतरही कोरोनाच्या भितीमुळे ग्राहक खरेदीसाठी बाहेर पडताना दिसत नाही. यामुळे एका दुकानदाराने एक आगळी-वेगळी जाहिरात केल्यानंतर ग्राहकांची झुंबड उडाली. अखेर, नियमांचे पालन न झाल्यामुळे पोलिसांनी दुकानदारावर कारवाई केली.

भिक्षेतून मिळवलेली रक्कम कोरोना रुग्णांसाठी दान...

केरळमध्ये इलेक्ट्रॉनिक वस्तूंची विक्री करणाऱ्या एका दुकानदाराने ग्राहकांसाठी ऑफर ठेवली होती. ती म्हणजे, आमच्या दुकानात खरेदी केल्यानंतर 24 तासांत ग्राहकाला कोरोना झाल्यास 50 हजार रुपये कॅशबॅक देणार. संबंधित जाहिरात प्रिंट, इलेक्ट्रॉनिक आणि डिजीटल प्लॅटफॉर्मवरही झळकली होती. ग्राहकांनी खरेदीसाठी गर्दी केली. केरळमध्ये कोरोनापासून बचाव होण्यासाठी कठोर असे नियम लागू करण्यात आले आहे. एका दुकानात एकावेळी 20 पेक्षा अधिक जणांना परवानगी नाही. पण, ग्राहकांच्या गर्दीनंतर या जाहिरातीविरोधात वकिल बिनू पुलिक्काक्कांदम यांनी याचिका दाखल केली.

कोविड सेंटरमध्ये कुटुंबाने केलेला डान्स व्हायरल...

याचिकेत त्यांनी म्हटले आहे की, 'ज्या नागरिकांची आर्थिक परिस्थिती चांगली नाही, असे कोरोना रुग्ण पैसे मिळवण्यासाठी दुकानात जाऊ शकतात. संसर्गजन्य असा आजार जाणीवपूर्वक पसरवला जातो आहे. आपल्या फायद्यासाठी व्यावसायिक आपली सामाजिक जबाबदारी विसरत आहेत. आयपीसी कलम 269, माहिती तंत्रज्ञान कायदा 2020, ग्राहक संरक्षण कायदा 2019 मधील कलम 89 आणि केरळ महापालिका कायद्यातील आरोग्य नियमांचे हे उल्लंघन आहे. त्यांनी गंभीर असा गुन्हा केला आहे."

पोलिस युवतीला म्हणाले; अगोदर नाचून दाखव...

कॅशबॅकच्या ऑफरमुळे कोरोना पॉझिटिव्ह रुग्णदेखील आपला आजार लपवून दुकानात खरेदीसाठी जाऊ शकतात आणि नंतर आपण कोरोना पॉझिटिव्ह असल्याचे दाखवून कॅशबॅक मागू शकतात ही जाहिरात बेकायदेशीर आणि दंडनीय असल्याचे त्यांनी मुख्यमंत्र्यांना सांगितले. यानंतर पोलिसांनी या दुकानदाराच्या विरोधात कारवाईचे पाऊल उचलले आहे.