सीतापूर (उत्तर प्रदेश): दोघांचे एकमेकांवर प्रेम. प्रेमाबद्दल घरच्यांना समजल्यानंतर विरोध झाला. दोघे पळून गेल्यामुळे मुलीच्या कुटुंबियांनी पोलिसांकडे धाव घेतली. याच वेळी प्रेमीयुगल चौकीत दाखल झाले. दोघांनी विवाहाची तयारी दाखवल्यानंतर पोलिसांनी मंदिरात विवाह लावून दिला.
पोलिसांनी दिलेल्या माहितीनुसार, विराहिमबाद येथील ज्ञानेंद्र कुमार व प्रियांका देवीचे एक वर्षापासून प्रेमसंबंध होते. दोघांच्या प्रेमसंबंधाला घरच्यांकडून विरोध होता. त्यामुळे दोघांनी पळून जाण्याचा निर्णय घेतला. प्रियांकाने घरातून पळ काढला. ज्ञानेंद्रकडे गेल्यानंतर दोघांनी विवाह करण्याचा निर्णय घेतला. मात्र, प्रियांकाच्या कुटुंबियांनी पोलिसांकडे धाव घेतली. तक्रार दाखल करत असताना प्रेमीयुगल चौकीत दाखल झाले. आम्हाला विवाह करायचा आहे, म्हणून पोलिसांना सांगितले. पोलिसांनी कुटुंबियांची समजूत काढली आणि चौकीबाहेर असलेल्या मंदिरात जाऊन दोघांना विवाह लावून दिला.
दरम्यान, विवाहानंतर दोघे प्रचंड खूष होते. विवाहाची चर्चा परिसरात रंगल्यामुळे प्रसारमाध्यमे घटनास्थळी दाखल झाली. केवळ पोलिसांमुळेच आमचा आजविवाह होऊ शकला, असे सांगताना त्यांनी पोलिसांचे आभार मानले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.