इंदूर (मध्य प्रदेश): पत्नीला एसएसएस करून बाहेर गावी जात असल्याचे सांगितले. पण, प्रेयसीला घेऊन लॉजवर गेल्यानंतर रात्र घालवली आणि सकाळी दोघेही बेशुद्धावस्थेत आढळले. उपचारादरम्यान दोघांचाही मृत्यू झाल्याची माहिती पोलिसांनी दिली.
पोलिसांनी दिलेल्या माहितीनुसार, उमाशंकर विश्वकर्मा (वय 26) याने पत्नीला एसएसएस करून भोपाळला जात असल्याचे सांगितले. परंतु, उमाशंकर हा प्रेयसी मनीषा (वय 19) सोबत एका लॉजवर गेला. दोघांनी रात्र सोबत घालवली. दुसऱया दिवशी लॉजचा कर्मचारी साफसफाई करण्यासाठी गेला होता. यावेळी मनीषा गॅलरीमध्ये बेशुद्धावस्थेत आढळून आली. कर्मचाऱयाने तत्काळ व्यवस्थापकाला माहिती दिली. उमाशंकरही बेशुद्धावस्थेत होता. दोघांना तत्काळ उपचारासाठी रुग्णालयात दाखल करण्यात आले. उपचारादरम्यान मनीषाचा मृत्यू झाला तर तीन तासानंतर उमाशंकरचा मृत्यू झाला. याबाबातचा पुढील तपास सुरू आहे.
उमाशंकर हा देवास येथील एका कंपनीमध्ये काम करत होता. त्याच्या पाठीमागे पत्नी व पाच वर्षांचा मुलगा आहे. उमाशंकरची कंपनीमध्येच मनीषा सोबत ओळख झाली होती. दोघांच्या मृत्यूबद्दल कुटुंबियांना माहिती देण्यात आली आहे. घटनास्थळी कोणत्याही प्रकारची चिठ्ठी आढळून आलेली नाही. यामुळे दोघांनी विष पिवून कोणत्या कारणामुळे आत्महत्या केली हे तपासादरम्यान समजेल, असेही पोलिसांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.