चेन्नईः राज्य सरकारने नियमावली घालून दारूच्या दुकानांना परवानगी दिल्यानंतर अनेक तळीराम दुकानांसमोर गर्दी करून दारू मिळवण्याचा प्रयत्न करत आहेत. दारूची दुकाने सुरू झाल्यानंतर विविध ठिकाणचे व्हिडिओ सोशल मीडियावर व्हायरल होत आहेत.
विविध ठिकाणी दारूच्या दुकानांसमोर अद्यापही मोठ-मोठ्या रांगा लागल्या आहेत. रागांची छायाचित्रे व व्हिडिओ सोशल मीडियावर मोठ्या प्रमाणात व्हायरल होत आहेत. फोटो व व्हिडिओ पाहून नेटिझन्स प्रतिक्रियांच्या माध्यमातून व्यक्त होत आहेत. असाच एक व्हिडिओ सोशल मीडियावर व्हायरल होत आहे. या व्हिडिओमध्ये एका तळीरामाला दारू मिळाल्यानंतर त्याने दोन्ही हातात खंबे धरून नाचायला सुरवात केल्याचे पाहायला मिळत आहे. बेळगाव येथे तर एका दुकानदाराने तळीरामाच्या गळ्यात हार घालून सत्कार केला होता.
दरम्यान, केरळ आणि मध्य प्रदेशातील दारूची दुकान अद्याप बंद ठेवण्यात आलेली आहेत. गोव्यातील दुकाने सोमवार पासून सुरू करण्यात आली आहेत. पण, तेथे मास्क नाही तर दारू नाही, अशी युक्ती वापरण्यात आली. कर्नाटकातील काही भागातील दारूची दुकान सुरू झाल्यावर तळीरामांचा आनंद गगनात मावेनासा झाला आहे. महाराष्ट्रात मुंबई आणि पुणे या ठिकाणी दारूच्या दुकानांसमोर गर्दी दिसत आहे. तमिळनाडू सरकारने 7 मे पासून दारूची दुकाने सुरू करण्याची घोषणा केली आहे. मात्र रेड झोनमधील दारूची दुकाने सुरू करण्याच्या शक्यतेला सरकारने नकार दिला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.