Morbi Bridge Collapse : गुजरातमधील मोरबी पूल कोसळल्याप्रकरणी आरोपी असलेले ओरेवा ग्रुपचे व्यवस्थापकीय संचालक (एमडी) जयसुख पटेल यांनी मंगळवारी मोरबी येथील सीजेएम न्यायालयात आत्मसमर्पण केले. यापूर्वी सीजेएम कोर्टाने जयसुख पटेल विरोधात वॉरंट जारी केले होते.

गेल्या वर्षी मोरबीमध्ये मच्छू नदीवरील पूल कोसळून १३५ जणांचा मृत्यू झाला होता. याप्रकरणी गुजरात पोलिसांनी नऊ जणांना अटक केली होती. ज्यामध्ये ओरेवा ग्रुपचे चार कर्मचारी सहभागी होते. त्यापैकी दोन कंपनी मॅनेजर आणि दोन लिपिक आहेत.

एफआयआरमध्ये जयसुख पटेल यांचे नाव आरोपी म्हणून नोंदवण्यात आले आहे. जयसुख पटेल यांनी २० जानेवारी रोजी मोरबीच्या सत्र न्यायालयात अटकपूर्व जामीनासाठी अर्ज केला होता, परंतु न्यायालयाने तो फेटाळला होता.

गुजरात हायकोर्टही या प्रकरणाची दखल घेत स्वतः सुनावणी करत आहे. उच्च न्यायालयाने गेल्या महिन्यात अजिंता मॅन्युफॅक्चरिंग लिमिटेड (ओरेवा ग्रुप) या कंपनीला नोटीस बजावली होती, जी मोरबी सस्पेंशन ब्रिजची देखभाल करते. या कारवाईत कंपनीला प्रतिवादी बनवण्याची मागणी करण्यात आली होती. अपघातामुळे झालेल्या नुकसानासाठी जबाबधार धारावे, अशी मागणी याचिकाकर्त्याने केली आहे.