Mother's Day 2023 : मातेचं महत्व मातृदिनाच्या निमित्ताने आज जगभर लिहीलं वाचंल आणि ऐकलं जातं. कारण दरवर्षी मे महिन्याच्या दुसऱ्या आठवड्यात १४ मे ला मातृदिन असतो. खरं तर आईचं महत्व अनन्यसाधारण आहे. तिला मातृदिनाच्या दिवशी काही तरी हटके भेट तुम्ही देऊ इच्छित असाल तर या भेटीपेक्षा उत्तम दुसरी कुठली भेट ठरूच शकणार नाही. तुमच्या आईसाठी आज MSSC चे खाते उघडा. आता हे खाते कसले? याचा उपयोग आणि फायदा काय याबाबत सविस्तर जाणून घेऊया.

देशातील महिलांचा सहभाग वाढवण्यासाठी अर्थमंत्री निर्मला सीतारामन यांनी यंदाच्या अर्थसंकल्पात महिला सन्मान बचत पत्र योजना जाहीर केली आहे. या योजनेअंतर्गत खाते उघडून तुम्ही मदर्स डेच्या खास प्रसंगी तुमच्या आईला खास भेट देऊ शकता.

देशातील प्रत्येक महिला या योजनेत गुंतवणूक करू शकते आणि यासाठी कोणतीही वयोमर्यादा निश्चित केलेली नाही. ही योजना मुदत ठेव योजनेसारखी (Fix Deposit Scheme) आहे ज्यामध्ये तुम्ही एकूण दोन वर्षांसाठी पैसे गुंतवू शकता.या योजनेअंतर्गत तुम्ही तुमच्या आईसाठी जास्तीत जास्त 2 लाख रुपये गुंतवू शकता.

या योजनेत गुंतवणूक केल्यावर, आयकराच्या कलम 80C अंतर्गत 1.5 लाख रुपयांपर्यंत सूट मिळते.योजनेवर मिळालेल्या व्याजाबद्दल बोलायचे झाल्यास ते 7.5 टक्के आहे. जर तुम्ही तुमच्या आईसाठी मे २०२३ मध्ये या योजनेत खाते उघडले तर योजनेची मॅच्युरिटी मे २०२५ मध्ये होईल. (Mothers Day)

या योजनेअंतर्गत तुम्ही कोणत्याही पोस्ट ऑफिस किंवा बँकेत खाते उघडू शकता. अलीकडेच केंद्रीय महिला आणि बालविकास मंत्री स्मृती इराणी यांनी संसद मार्गावरील पोस्ट ऑफिसमध्ये जाऊन 'महिला सन्मान बचत प्रमाणपत्र' योजनेअंतर्गत खाते उघडले आहे.