Nag Nagin Viral Video : आपण नाग नागिनचे अनेक चित्रपट पाहिले असाल. चित्रपटात नाग नागिनची प्रेमकहाणी आणि त्यानंतर नाग नागिनने घेतलेला बदल, हे चित्रपटात हुबेहूब रंगवलं जातं. पण अशीच एक नाग नागिनची कहाणी चर्चेचा विषय ठरतेय पण ही कोणत्या चित्रपटाची कहाणी नाही तर अस्सल आयुष्यातील नागनागिनची प्रेमकहाणी आहे ही वाचून तुम्हालाही धक्का बसेल.

चित्रपटात तुम्ही पाहिलं असाल की नाग नागिनपैकी कोणीही एकाचाही मृत्यू झाला की दुसरा बदला घेतो. अशीच एक घटना बिलसी पोलीस ठाण्याच्या हद्दीत घडली. येथील एक नाग चक्क नागिणीच्या मृत्यूनंतर तिच्या मृतदेहाजवळ पहारा देतोय.

या संपुर्ण घटनेचा व्हिडीओ सध्या सोशल मीडियावर व्हायरल होतोय. या व्हिडीओत नाग चक्क नागिनच्या मृतदेहाचे रक्षण करताना दिसत आहे.

गावकऱ्यांच्या मते, या ठिकाणी नेहमी नाग नागिनची जोडी दिसायची. दोन दिवसाआधी नाग नागिन आणि नेवलेच्या लढाईत नागिनीचा मृत्यू झाला तेव्हापासून नाग नागिनीच्या मृतदेहाजवळ पहारा देतोय.

नाग नागिणीच्या या प्रेमकहाणीची सोशल मीडियावर चांगलीच चर्चा रंगली. नेटकरी या व्हायरल व्हिडीओवर वेगवेगळ्या प्रतिक्रिया देत आहेत.