नवी दिल्ली: पंतप्रधान नरेंद्र मोदी (Narendra Modi) यांनी शुक्रवारला भारतातील विविध शहरे आणि गावांमध्ये शेतात कीटकनाशक फवारणीसाठी 100 किसान ड्रोनचे (Drone) उद्घाटन केले.या प्रसंगी नरेंद्र मोदी यांनी ड्रोन तंत्रज्ञानाच्या स्टार्टअप्सना सरकारच्या पूर्ण पाठिंब्याचे आश्वासन दिले. आणि भारत लवकरच या क्षेत्रातील जागतिक नेतृत्व (Global Leader) म्हणून उदयास येईल,असेही ते म्हणाले.

मोदी म्हणाले, "भारतात ड्रोन मार्केटची एक नवीन इकोसिस्टम (Ecosystem) विकसित होत आहे. देशात 100 हून अधिक ड्रोन स्टार्ट-अप (Start-up) सध्या कार्यरत आहेत आणि लवकरच त्यांची संख्या हजारोंपर्यंत वाढेल, ज्यामुळे रोजगाराच्या मोठ्या संधी निर्माण होतील. या करीता भारत साक्षीदार होण्यास तयार आहे”

ड्रोन ही सैन्याशी संबंधित यंत्रणा आहे,असे वा़टायचे परंतु आता 21 व्या शतकात ड्रोनच्या सहाय्याने आधुनिक कृषी व्यवस्थेच्या दिशेने एक नवीन अध्याय सुरू झाल्याचे मोदी म्हणाले.शेतकर्‍यांना मदत करण्याच्या विशेष मोहिमेत पंतप्रधान नरेंद्र मोदी यांनी देशाच्या विविध भागात १०० किसान ड्रोनला झेंडा दाखवला.