नागपूर: पंतप्रधान नरेंद्र मोदी हे व्यक्तीमत्व आणि चेहरा भारतातच नाही तर अख्ख्या जगात प्रसिद्ध आहे. एक चहा विकणारा गरीब मुलगा ते भारतासारख्या जागतिक महासत्ता होऊ इच्छिणाऱ्या देशाचे पंतप्रधान हा त्यांचा प्रवास आपल्या सगळ्यांना माहितीच आहे. पंतप्रधान मोदींच्या या संघर्षामुळेच अनेक जण त्यांचे चाहते आहेत.
त्यांच्याविषयी आपल्याला अनेक गोष्टी माहिती आहेत तर काही गोष्टी अजूनही गुलदस्त्यात आहेत. मात्र आपल्या देशाच्या पंतप्रधानांच्या नावावर एक नाही दोन नाही तर अनेक रेकॉर्ड आहेत हे तुम्हाला माहिती आहे का? या रेकॉर्डची नोंद गिनिज बुक ऑफ वर्ल्ड रेकॉर्डमध्येही झाली आहे. आज आम्ही तुम्हाला मोदींच्या याच रेकॉर्डतोड कामगिरीविषयी सांगणार आहोत.
मोदींनी अमेरीकीचे राष्ट्रपती बराक ओबामा यांची घेतलेली भेट होती. या भेटीदरम्यान मोदींनी अंगावर सूट घातला होता. त्यानंतर या 'सुटचा’ लिलाव केला गेला. हा सुट तब्बल ४.३१ कोटी रुपयांना विकला गेला. ‘लिलावामध्ये विकला गेलेला आजवरचा सर्वात महाग सूट’ आहे अशी गिनीज बुक मध्ये या विक्रमाची नोंद झाली. हा सुट सुरतचे हिरा व्यापारी लालजी पटेल यांनी खरेदी केला होता.
२०१४ मध्ये नरेंद्र मोदींनी सुरु केलेल्या ‘पहल’ योजनेंतर्गत देशभरातील १८.१० कोटी एलपीजी ग्राहकांच्या बँक खात्यामध्ये सबसिडीचे २५३ कोटी रुपये जमा करण्यात आले. या कामगिरीसोबतच ही योजना ‘जगातील सर्वात मोठी रोख सबसिडी योजना’ बनली.
२३ ते २९ ऑगस्ट २०१४ या कालावधीत जनधन योजनेंतर्गत १८,०९६,१३० करोड बँक खाती उघडली गेली. ‘अत्यल्प वेळात उघडण्यात आलेली सर्वात जास्त बँक खाती’ म्हणून या कामगिरीची दखल गिनीज बुक ऑफ वर्ल्ड रेकॉर्ड तर्फे घेण्यात आली.
२१ जून २०१५ रोजी राजपथ मार्गावर साजरा करण्यात आलेल्या पहिल्या आंतरराष्ट्रीय योग दिवशी गिनीज बुक मध्ये दोन विश्वविक्रमांची नोंद झाली. पहिला विश्वविक्रम म्हणजे या दिवशी तब्बल ३५,९८५ लोकांनी योगाभ्यासाचा अनुभव घेतला. दुसरा विश्वविक्रम म्हणजे या योगदिनी तब्बल ८४ देशांचे नागरिक उत्साहाने सहभागी झाले होते.
२०१३ मध्ये मोदी निवडणुकांसाठी प्रचारसभा घेत होते. एका सभेमधील त्यांचे भाषण 3D मध्ये ५३ ठिकाणी दाखवण्यात आले आणि अशी गोष्ट जगात पहिल्यांदाच घडली असल्याने हा विक्रम गिनीज बुक मध्ये विराजमान झाला.
पंतप्रधान नरेंद्र मोदी यांच्या वाढदिवसानिमित्त दिव्यांग नागरिकांनी जगातील सर्वात मोठा व्हीलचेअर लोगो बनविण्याचा विश्वविक्रम केला. व्हीलचेअरवर बसून Happy Birthday PM अश्या अक्षरांत दिव्यांग नागरिकांनी हा विश्वविक्रम केला. ९८९ अपंग व्यक्तींनी एकाचवेळी एकाच ठिकाणी ३० सेकंदामध्ये सर्वाधिक पणत्या पेटवण्याचा विश्वविक्रम नोंदवला. ११३३० अपंगाना Assitive kits प्रदान करण्याचा विश्वविक्रम देखील साकारण्यात आला.
नोव्हेंबर २०१० मध्ये या कार्यक्रमादरम्यान १०१ तास २३ मिनिटे निरंतर गाणे गाण्याचा विक्रम. हे गाणे शास्त्रीय गायिका धरी पंचमदा यांनी गायले होते. पंचमदा यांनी या कार्यक्रमामध्ये २१४ राग आणि २७१ बंदिशी सादर केल्या. जो एक विश्वविक्रम ठरला.
डिसेंबर २०१० मध्ये गुजरात युनिव्हर्सिटीमध्ये २० हजार खेळाडूंनी एकच वेळेस बुद्धीबळ खेळून नवा विश्वविक्रम नोंदवला एप्रिल २०११ मध्ये निरंतर सतार वाजवून गायकांनी २९ राग सादर केले आणि नवा विश्वविक्रम रचला. एप्रिल २०११ मध्येच ३१५ वादकांनी एकाच वेळेस तबला वाजवून नव्या विश्वविक्रमाची नोंद केली. मे २०११ मध्ये ४५०० कलाकारांसोबत जगातील सर्वात मोठा नृत्य आणि संगीत कार्यक्रम पार पडला आणि नव्या विश्वविक्रमाची नोंद झाली.आणि त्यांच्या ६६ व्या जन्मदिनी एकाच दिवशी तब्बल तीन नव्या विश्वविक्रमाची नोंद झाली.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.