नवी दिल्ली : इशान्य दिल्लीत (Northeast delhi) चार चोरट्यांनी एका ५२ वर्षीय महिलेची गळा चिरुन हत्या (Woman Murder) केल्याच्या घटनेनं परिसरात खळबळ उडाली आहे. महिलेकडे असलेले किंमती ऐवज लंपास करण्यासाठी चोरट्यांनी (valuables robbery) त्या महिलेवर विटेने हल्ला केला. ही घटना मंगळवारी ११ जानेवारीला करावल नगर येथे घडली. तारा बोध असं हत्या झालेल्या महिलेचं नाव आहे. याप्रकरणी आरोपींना पोलिसांनी बुधवारी अटक (four culprit arrested) केली. अमन, आकाश, मनिष आणि वैभव जैन अशी अटक करण्यात आलेल्या आरोपींची नावे आहेत. आरोपी उत्तर प्रदेशच्या लोणी येथील रहिवाशी आहेत. असं वृत्त इंडिया टुडेनं दिलं आहे. ( Police arrested four culprits in woman murder and robbery crime in northeast delhi)

याबाबत सविस्तर वृत्त असं की, "आरोपी अमनला त्याच्या व्यवसायात आर्थिक अडचणींचा सामना करावा लागत होता. त्यामुळे अमनला झटपट पैसे कमवायचे होते. त्यामुळे अमनने त्याच्या सहकाऱ्यांसह मृत महिलेच्या कुटुंबियांना लुटण्याचा योजना आखली होती." अशी माहिती अमनने पोलिसांनी केलेल्या तपासात दिली आहे. दरम्यान, अमनचे मृत महिलेच्या कुटुंबियांशी व्यवासायीक कामानिमित्त संबंध होते. आरोपींनी ताराला तिच्या घराच्या विरुद्ध दिशेला असणाऱ्या इमारतीजवळ बोलावले. त्यानंतर त्यांनी ताराची गळा चिरुन हत्या करुन तिच्याजवळ असलेला ऐवज चोरी केला.

पोलिसांना त्यांच्या सूत्रांकडून या घटनेची खबर मिळाली. त्यानंतर पोलीसांनी आरोपी अमन आणि मनिषला जुन्या दिल्ली रेल्वे स्टेशनजवळ पकडलं. तसंच या हत्येमागे हात असणाऱ्या इतर दोन आरोंपींच्याही पोलिसांनी मुसक्या आवळल्या. याप्रकरणी आरोपींविरोधात करावल पोलीस स्टेशनमध्ये हत्येचा गुन्हा दाखल करण्यात आला आहे.