बंगळूर : रामनगर जिल्ह्यातील सातनूरजवळ केएसआरटीसी बस (KSRTC Bus) आणि मोटारची समोरासमोर धडक झाली आणि या भीषण अपघातात मोटारीमधील (Bus-Motor Accident) सहा जणांचा जागीच मृत्यू झाला.

केएसआरटीसी बस आणि मोटारमध्ये दुपारी चार वाजण्याच्या सुमारास भीषण अपघात झाला. कनकपूर तालुक्यातील सातनूरजवळील केमाळे गेटजवळ हा अपघात झाला.

महाडेश्वर टेकडीवरून मागून येणारी मोटार भरधाव वेगात येऊन बसला धडकली. बसच्या चालकासह अनेक प्रवासी किरकोळ जखमी झाले. सातनूर पोलिस घटनास्थळी दाखल झाले.

महाडेश्वराच्या दर्शनासाठी महाडेश्वर टेकडीवर गेले हे प्रवासी होते. दर्शन करून परतत असताना हा अपघात झाला. नागेश, पुट्टाराजू, जोतिर्लिंगप्पा (मोटार मालक), गोविंदा आणि कुमार अशी मृतांची नावे आहेत. हे सर्व बंगळूर येथील आहेत.