जम्मू-काश्मीरमधील शाळेत नवरात्रीनिमित्त विद्यार्थिनी टिळा लावून शाळेत पोहोचली. याचा राग आल्याने शिक्षकाने विद्यार्थिनीला (Student) बेदम मारहाण केली. मुलीच्या डोक्यावर, कपाळावर व शरीरावर जखमेच्या खुणा दिसत आहे. जम्मू-काश्मीरमधील राजौरी जिल्ह्यातील शाळेत हा खळबळजनक प्रकार घडला. आरोपी शिक्षकाला निलंबित करण्यात आले आहे. (Student beaten for wearing tilak)

जम्मू आणि काश्मीरमधील (jammu kashmir) राजौरी येथील रहिवासी असलेल्या मुलीच्या कुटुंबाने आरोप केला आहे की, मुलगी नवरात्रीमध्ये कपाळावर टिळा लावून शाळेत पोहोचल्यावर शिक्षक निसार अहमद यांनी तिला बेदम मारहाण केली. या आरोपांची दखल घेत राजौरी येथील अतिरिक्त उपायुक्तांनी शिक्षकाला (teacher) निलंबित केले आहे. सोबतच या घटनेची चौकशी करण्याचे आदेशही देण्यात आले आहेत.

मुलीच्या वडिलांनी प्रसारमाध्यमांना सांगितले की, अशा घटनांमुळे एक वाईट उदाहरण समोर येईल. कारण, सामान्य लोक धर्मासाठी लढेल जे समाजासाठी वाईट आहे. धर्माच्या नावावर असेच बोलणे सुरू राहिल्यास आपण सर्वजण एकमेकांची डोकं फोडू, असे मला सांगायचे आहे.