कोलकताः अभिनेत्री सनी लिओनी हिने महाविद्यालयात बीएसाठी प्रवेश घेतला असून, तिचे नाव ऑनलाइन यादीमध्ये प्रथम क्रमांकावर आहे. पण, कोणीतरी हा खोडसळपणा केला असावा, असा खुलासा नंतर महाविद्यालयाच्या व्यवस्थापनाने केला आहे.
कोलकाता येथील आशुतोष कॉलेजच्या बीए प्रवेशाची यादी नुकतीच ऑनलाइन प्रसिद्ध झाली आहे. यादी प्रसिद्ध झाल्यानंतर सनी लिओनी हिचे नाव प्रथम क्रमांकावर होते. वेबसाईटवर दाखविण्यात आलेल्या यादीमध्ये सनी लिओनी हिच्या नावासह अर्ज आयडी आणि रोल नंबर होता. शिवाय, यादीमध्ये सनीला बारावीच्या परीक्षेत 'बेस्ट फोर' मध्ये 400 म्हणजे पैकीच्या पैकी गुण असल्याचे दाखवले होते. यामुळे यादी पाहिल्यानंतर अनेकांना आश्चर्याचा धक्का बसला. शिवाय, कॉलेज परिसरामध्ये सनी लिओनी हिची चर्चा सुरू झाली. अनेक विद्यार्थ्यांच्या व्हॉट्सऍपवरून यादी व्हायरल होऊ लागली. सनी कॉलेजमध्ये प्रवेश घेणार असल्याच्या चर्चेला उधान आले होते.
महाविद्यालयाच्या व्यवस्थापनापर्यंत चर्चा गेल्यानंतर त्यांना खुलासा करताना सांगितले की, कोणीतरी मुद्दामहून हा खोडसाळपणा केला आहे. तिच्या नावाने कोणीतरी बनावट अर्ज भरला असावा. आम्ही संबंधित विभागाला तात्काळ दुरुस्ती करण्यास सांगितले आहे. शिवाय, याबाबतची चौकशी करू करण्यात आली आहे.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.