उत्तर प्रदेशमधील (Uttar Pradesh) आगामी काळातील विधानसभा निवडणुकांच्या (Assembly Elections 2022) पार्श्वभूमिवर भाजपने जोरदार तयारी सुरू केल्याचं पाहायला मिळतंय. पंतप्रधान नरेंद्र मोदी (PM Narendra Modi), केंद्रीय गृहमंत्री अमित शहा, मुख्यमंत्री योगी आदित्यनाथ (Yogi Adityanath) यांच्यासह भाजपच्या बड्या नेत्यांनी ताकद पनाला लावली आहे. त्यातच अमित शहा यांनी आज उत्तर प्रदेशच्या कैराना शहरात घरोघरी जाऊन लोकांशी संपर्क साधला. यावेळी अमित शहा (Amit Shah) यांच्यासह अनेकांनी कोरोना नियमांचं उल्लंघन केल्याचं पाहायला मिळालं.

कोरोना संसर्गाच्या पार्श्वभूमिवर निवडणूक कठोर नियम लागू केले आहेत. कोणत्याही प्रकारची सभा, पदयात्रा, रॅली, कॉर्नर मिटींग घेण्यास परवानगी देण्यात आलेली नाही. मात्र समोर आलेल्या फोटोमध्ये अमित शहा यांच्यासह पक्षाचे कार्यकर्ते विनामास्क दिसून येत आहेत. त्यामुळे आता अमित शहा यांच्याविरोधात कारवाई होणार का असा प्रश्न निर्माण झाला आहे.

कोरोना नियमावलीचं पालन करुनच निवडणुका पार पडतील असं आयोगाने सांगितलं आहे. त्यानुसार रोडशो, पदयात्रा, सायकल रॅली काढण्यास मनाई आहे. त्यामुळे उमेदवारांच्या प्रचार रॅलीला मुभा नाही. तसंच कोरोनाचा वाढता संसर्ग पाहता प्रतिबंधात्मक नियमांचं पालन करणं देखील आवश्यक आहे. मात्र मास्क न वापरता गर्दीत वावरल्यानं कोरोनाचा संसर्ग वाढण्याचा धोका निर्माण झाला आहे.