Uttarakhand : उत्तराखंड राज्यातील रामनगर जिल्ह्यातील धनगढी नाल्यावर पूल बांधण्यास केंद्र सरकारने मंजुरी दिली आहे. या बांधकामासाठी तब्बल ३० कोटी रूपयांचा निधी मंजूर करण्यात आला आहे. त्याबद्दल उत्तराखंडचे मुख्यमंत्री पुष्कर सिंह धामी यांनी पंतप्रधान नरेंद्र मोदी आणि केंद्रीय मंत्री नितीन गडकरी यांचे आभार मानले आहेत.

उत्तराखंड जवळच्या रामनगरजवळ राष्ट्रीय महामार्ग-309 वर धनगढी नाला आहे. पावसाळ्यात या नाल्याला अचानक पूर येतो. त्यामुळे वाहतूक ठप्प होते. तसेच, इतर गावांशी संपर्कही तुटतो. त्यामुळे या नाल्यावर पूल बांधण्याची मागणी नागरिक अनेक वर्षांपासून करत आहेत.

केंद्राने निधी मंजूर केल्याने तिथल्या लोकांची गैरसोय होणार नाही. परिसरातील लोकांची अनेक वर्षांपासूनची मागणी पूर्ण झाली आहे.लोकांची अनेक दिवसांपासून मागणी होती. मुख्यमंत्री धामी यांनी पुलाच्या निर्मितीसाठी पाठपुरावा करत होते.

या पुलाला मंजुरी दिल्याने मुख्यमंत्री पुष्कर सिंह धामी यांनी पंतप्रधान नरेंद्र मोदी आणि केंद्रीय मंत्री नितीन गडकरी यांचे आभार मानले आहेत. (Uttarakhand)

पुलाच्या बांधकामासाठी किती मिळाला निधी

केंद्रीय रस्ते वाहतूक आणि महामार्ग मंत्रालयाने पत्र लिहून याबाबत उत्तराखंडच्या सार्वजनिक बांधकाम विभागाच्या प्रधान सचिवांना लेखी कळवले आहे. यासाठी एकूण 29.65 कोटी रुपये खर्च येणार आहे.

पावसाळ्यात धनगढी नाल्याला महापुराचे स्वरूप आले होते. त्यामुळे अनेक वाहने वाहून गेल्याच्या घटना सर्रास घडल्या आहेत. त्यामुळे अनेक गाड्यांचे नुकसान झाले होते. पण हा पूल बांधल्याने नागरिकांचे होणार हाल थांबणार आहेत.