नई दिल्ली- वडीलांचं चहाचं दुकान असलेल्या मुलीने हवाई दलात फ्लायिंग ऑफिसरचे पद मिळवले. परिस्थितीवर मात करून यशाचं हे शिखर तिनं गाठलं. वयाच्या अवघ्या 24 व्या वर्षी ती हवाई दलात अधिकारी झाली आहे. आंचलचे वडील सुरेश गंगवाल हे मध्य प्रदेशात नीमच इथं बस स्टँडवर गेल्या 25 वर्षांपासून चहाचं दुकान चालवतात.
मुलीच्या यशाबद्दल वडील सुरेश गंगवाल म्हणाले की, उत्तराखंडमधील केदारनाथमध्ये झालेल्या दुर्घटनेनंतर हवाई दलाच्या कर्माचाऱ्यांनी धाडसाने तिथल्या लोकांची मदत केली. ते मदतकार्य आंचलने पाहिलं होतं आणि त्यानंतर तिने फ्लायिंग ऑफिसर होण्याचं स्वप्न बघितलं आणि ते साकार केलं.
स्वप्न पूर्ण कऱण्यासाठी आंचलनं पुस्तकं मिळवली आणि परीक्षेची तयारी सुरू केली. सहाव्या प्रयत्नात तिने ही परीक्षा पास होण्यात यश मिळवलं. मी गेल्या 25 वर्षांपासून चहा विकत आहे. आर्थिक परिस्थितीही बेताचीच असल्याचं सुरेश यांनी सांगितलं.
आंचलच्या शिक्षणाबाबत सांगताना सुरेश म्हणाले की, अनेकदा तिच्या शाळेची किंवा कॉलेजची फी भरायला पैसे नसायचे. अनेकदा लोकांकडून उधार घेऊन तिची फी भरली. आता ती अधिकारी झाली ही आमच्यासाठी अभिमानाची गोष्ट आहे.
मध्य प्रदेशचे मुख्यमंत्री शिवराज सिंग चौहान यांनी ट्विट करून आंचलचे अभिनंदन केले आहे. शिवराज सिंग म्हणाले की, नीमचमध्ये चहाचं दुकान चालवणाऱ्या सुरेश गंगवाल यांची मुलगी आंचल आता हवाई दलात लढाऊ विमाने उडवणार. मध्य प्रदेशाच्या शिरपेचात मानाचा तुरा रोवणारी आंचल आता देशाच्या सुरक्षेसाठी सज्ज झाली आहे. तिचे अभिनंदन आणि शुभेच्छा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.