मुंबई : नोकरीच्या शोधात असलेल्या उमेदवारांसाठी एक आनंदाची बातमी आहे. ऑल इंडिया इन्स्टिट्यूट ऑफ मेडिकल सायन्सेस पटना यांनी भरती अधिसूचना प्रसिद्ध केली आहे.

त्यानुसार संस्थेत बंपर पदावर भरती होणार आहे. अधिकृत साइट aiimspatna.edu.in वर जाऊन उमेदवार मोहिमेसाठी अर्ज करू शकतात. या मोहिमेसाठी अर्ज करण्याची अंतिम तारीख ४ जून २०२३ निश्चित करण्यात आली आहे. (recruitment of undergraduates in AIIMS)

या मोहिमेद्वारे, अखिल भारतीय आयुर्विज्ञान संस्था (AIIMS), पाटणा येथे गट A, B आणि C श्रेणींमध्ये ६४४ शिक्षकेतर पदांची भरती केली जाईल.

वरिष्ठ प्रोग्रामर, उप-वैद्यकीय अधीक्षक, जनसंपर्क अधिकारी, वरिष्ठ आहारतज्ज्ञ, आयुष वैद्यकीय अधिकारी, लेखाधिकारी, सार्वजनिक आरोग्य परिचारिका, वैद्यकीय सामाजिक कार्यकर्ता, योग प्रशिक्षक, खासगी सचिव आदींची रिक्त पदे भरण्यात येणार आहेत. हेही वाचा - संतुलित आहारातून रोखा फॅटी लिव्हरचा आजार

आवश्यक शैक्षणिक पात्रता

या पदांसाठी अर्ज करणाऱ्या उमेदवारांनी १० वी, ITI, 10+2, पदवी, डिप्लोमा, PG डिप्लोमा किंवा पदानुसार समकक्ष अभ्यासक्रम उत्तीर्ण केलेला असावा.

वयोमर्यादा

अधिसूचनेनुसार, या भरती मोहिमेसाठी अर्ज करणाऱ्या उमेदवारांचे वय २१ ते ५० वर्षांच्या दरम्यान असावे.

अर्जाची फी

या भरती मोहिमेसाठी अर्ज करणाऱ्या उमेदवारांना अर्ज शुल्क भरावे लागेल. या मोहिमेसाठी उमेदवारांना तीन हजार रुपये शुल्क भरावे लागणार आहे. त्याचबरोबर राखीव प्रवर्गातील उमेदवारांसाठी २ हजार ४०० रुपये शुल्क निश्चित करण्यात आले आहे. अपंग उमेदवारांना कोणतेही शुल्क भरावे लागणार नाही.

निवड अशी होईल

या पदांसाठी उमेदवारांची निवड लेखी चाचणी, कौशल्य चाचणी, दस्तऐवज पडताळणी, वैद्यकीय चाचणी यावर आधारित असेल.

पगार

या पदांवर निवडलेल्या उमेदवारांना १८ हजार रुपये ते २ लाख ८ हजार ७०० रुपये प्रति महिना वेतन दिले जाईल. अधिक तपशीलांसाठी उमेदवार अधिकृत साइटची मदत घेऊ शकतात.