जगप्रसिद्ध अजरामर कलाकृती ‘मोनालिसा’ ही तीच्या गूढ प्रतिमेसाठी नावाजलेली आहे. जगप्रसिद्ध चित्रकार लिओनार्दो दा व्हिंचीची (Leonardo da Vinci) अजरामर कलाकृती पॅरिसच्या लोव्हेर म्युझियमध्ये ठेवण्यात आली आहे. दरदिवशी अनेक पर्यटक या कलाकृतीला बघण्यासाठी तेथे गर्दी करतात. अशातच रविवारी मोनालिसाच्या पेंटिंगवर एका व्यक्तीनं केक फेकल्याची घटना उघडकीस आली. सध्या हे प्रकरण सोशल मीडियावर प्रचंड गाजतयं.

विशेष म्हणजे व्हीलचेअरवर बसलेली ही व्यक्ती प्रत्यक्षात विग आणि लिपस्टिक लावून ज्येष्ठ महिलेच्या वेशात आली आणि चित्रावर केक फेकला आणि उठून त्या ठिकाणावरुन पळून झाली. या घटनने एकच गोंधळ उडाला. विशेष म्हणजे या पेटिंगवर काच बसवण्यात आल्यानं थेट कलाकृतीचे कुठलेही नुकसान झाले नाही.

या घटनेनंतर सुरक्षारक्षकांनी अवघ्या काही सेंकदातच त्याला पकडले आणि परिस्थिती नियंत्रणात आणली. याआधीही या ऐतिहासिक कलाकृतीवर 1950 मध्ये ॲसिड हल्ला करण्यात आला होता. त्यानंतर त्यावर काच बसवण्यात आली. त्यानंतर सुद्धा आता या कलाकृतीवर केक फेकल्याने ऐतिहासिक कलाकृतींवरील संवेदनेवर प्रश्न चिन्ह उपस्थित केले जात आहे.

सध्या सोशल मीडियावर या घटनेचा व्हिडीओ प्रचंड व्हायरल होत असून नेटकरी आणि मोनालिसा प्रतिमेचे चाहते या घटनेवर निषेध व्यक्त करीत आहे.