जगभरात पसरलेल्या कोरोना विषाणूच्या साथीला सर्व जग चीनला जबाबदार धरत असताना चीनने वुहान येथील लॅबशी असणारे फ्रेंच कनेक्शन गुरूवारी उघड करत एकच खळबळ उडवून दिली आहे. वुहानमधील ज्या लॅबमधून कोरोनाचा विषाणू बाहेर पडल्याचा दावा सर्व जग करत आहे ती बायो-लॅब चीन-फ्रेंच सहकार्य प्रकल्पातील असून फ्रान्समध्ये प्रशिक्षित केलेले कर्मचारीच या लॅबमध्ये कार्यरत असल्याचा दावा चीनने गुरुवारी केला आहे. 

जगभरात पसरलेल्या कोरोनाच्या सथीला अमेरिकेने चीनला दोषी ठरवले असून अमेरिकेचे परराष्ट्रमंत्री माईक पॅम्पिओ यांनी वुहानमधील प्रयोग शाळेत हा विषाणू तयार केला असून त्याद्वारे जगभरात हा विषाणू चीनने पसरवल्याचा आरोप केला आहे. यावर चीनच्या परराष्ट्र मंत्रालयाच्या प्रवक्त्या हू चुनयिंग यांनी वुहान लॅबचे फ्रेंच कनेक्शन उघड करत अमेरिकेला प्रत्युत्तर दिले आहे.

ट्रम्प यांचा मास्क घालण्याला नकार

कोरोना विषाणूचं वेगाने पसरणारे संक्रमण रोखण्यासाठी जगभरातील अनेक राष्ट्रांना लॉकडाऊनसारख्या कठोर निर्णयाची अंमलबजावणी करावी लागत आहे. या रणनितीमुळे जगाची अर्थव्यवस्था कोलमडण्याची परिस्थिती निर्माण झाली आहे. कोरोना विषाणूच्या संकटातून सावरण्यासाठी सध्याच्या घडीला अर्थव्यवस्था कोलमडण्याची जोखीम स्वीकारल्याशिवाय कोणताही पर्याय दिसत नाही. 

कोरोनाच्या जनुकांच्या पृथकरणास यश

जागतिक महासाथीच्या रोगाने निर्माण केलेली युद्धजन्य परिस्थिती अमेरिका-चीन यांच्यातील तणावर वाढवण्याचे संकेतही देत आहे. 2019 च्या डिसेंबरमध्ये कोरोना विषाणूचा पहिला रुग्ण चीनच्या वुहान शहरात आढळला होता. त्यानंतर चीनमध्ये या रोगाने थैमान माजवले. चीनने जीवघेण्या रोगासंदर्भातील माहिती लपवून जगाला या संकटात आणले आहे, अशी टीकाही चीनवर झाली. याच्यापुढे जात कोरोना विषाणूची उत्पती ही चीनच्या लॅबमध्ये (प्रयोग शाळेत) झाल्याचा आरोप अमेरिकेकडून करण्यात आला. अमेरिकेचे राष्ट्राध्यक्ष डोनाल्ड ट्रम्प यांनी यासंदर्भात वेळोवेळी चीनला धमकी वजा इशारा दिल्याचेही पाहायला मिळाले. 

जगाला सोशल डिस्टन्सिंगचा सल्ला देणाऱ्या शास्त्रज्ञाने प्रेयसीसाठी मोडला नियम

दोन्ही राष्ट्रांतील तणावपूर्ण परिस्थितीत चीनमधून अमेरिकन कंपन्या  काढता पाय घेण्याच्या हालचाली सुरु असल्याची चर्चा देखील रंगत आहे. चीनमधून शट डाऊन होणाऱ्या अमेरिकन कंपन्यांना भारतात उद्योगाचे व्यासपीठ खुले करण्यासाठी मोदी सरकार प्रयत्न करत असल्याचेही बोलले जात आहे. अमेरिका-चीन यांच्यातील वादात अमेरिकन कंपन्यांनी चीनची भूमी सोडून भारतात बस्तान बसवण्याला तयारी दर्शवली तर भारतीय अर्थव्यवस्थेला बळ मिळण्यास निश्चितच मदत होईल. चीनने फ्रान्स कनेक्शन उघड केल्यानंतर आंतरराष्ट्रीय राजकारणात आणखीनं खळबळ माजली असून यापार्श्वभूमीवर वातावरण तापण्याची संकेत मिळत आहेत.  

प्रत्येक देशात वेगळी पद्धत; कोणत्या देशात कसे होतात कोरोनाग्रस्तांवर अंत्यसंस्कार

जगभरात आतापर्यंत 38 लाखांहून अधिक लोकांना कोरोनाची लागण झाल्याची पुष्टी झाली आहे. यात जवळपास 2 लाख 50 हजारहून अधिक लोकांनी आपला जीव गमावला आहे. या जीवघेण्या विषाणूने अमेरिकेला मोठा फटका बसला आहे. एकट्या अमेरिकेत मागील 24 तासांत कोरोनामुळे 25 हजार लोकांचा मृत्यू झाला असून मृतांचा आकडा हा 74 हजारचा टप्पा पार केलाय. अमेरिकेतील कोरोनाग्रस्तांचा आकडा हा 12 लाखहून अधिक आहे.