पाकिस्तानच्या दक्षिणेकडील सिंध एका स्थानिक न्यायालयाने मंगळवारी एका हिंदू शिक्षकाला (Teacher) ईशनिंदाप्रकरणी जन्मठेपेची शिक्षा सुनावली. सिंधमधील घोटकी येथे अतिरिक्त सत्र न्यायाधीश मुर्तजाद्वारा यांनी शिक्षक नौतन लालवर ५० हजार पाकिस्तानी रुपयांचा दंड ठोठावला आहे. 2019 पासून तुरुंगात नौतन लाल तुरूंगात होते. आता न्यायालयाने (Court) त्यांना दोषी ठरवले. गेल्या दोन वर्षांत लाल याचा जामीन अर्ज दोनदा फेटाळण्यात आला.

सोशल मीडियावर (Social Media) एक व्हिडिओ व्हायरल झाल्यानंतर सप्टेंबर 2019 मध्ये लाल यांना अटक करण्यात आली होती ज्या व्हिडीओमध्ये एका शाळेतील विद्यार्थ्याने हिंदू शिक्षकावर ईशनिंदा केल्याचा आरोप केला होता. त्यानंतर काही वेळातच जमात-ए-अहले सुन्नत पार्टीचे नेते अब्दुल करीम सईदी यांनी लाल यांच्याविरुद्ध ईशनिंदा कायद्याखाली पोलिसांत तक्रार दाखल केली. स्थानिक महाविद्यालयात भौतिकशास्त्र (Physics) शिकवणाऱ्या लालने त्या दिवशी शाळेत पोहोचल्यानंतर असे कृत्य केल्याचा दावा विद्यार्थ्याने केला होता. ही बातमी पसरताच शहरात निदर्शने झाली आणि संतप्त जमावाने सचो सतराम धाम मंदिरावर हल्ला केला आणि घोटकी येथील मूर्तींची तोडफोड केली होती.

पाकिस्तान पूर्व सेना प्रमुख जिया उल हक ने 1980 मध्ये ईशनिंदा कायदा लागू केला. या कायद्यानुसार कोणालाही फाशी दिलेली नाही परंतु ईशनिंदाच्या संशयात बरेच लोक मारले गेले. अनेकवेळा ईशनिंदा कायद्याचा चुकीचा वापर केला आहे, मानव आणि नागरिक अधिकारी समुहाने म्हटले आहे