63 वर्षीय ली कियांग हे शी जिनपिंग यांच्या अत्यंत जवळचे मानले जातात.
Li Qiang Sworn China's Prime Minister : ली कियांग यांनी आज चीनचे पंतप्रधान म्हणून शपथ घेतली. चीनच्या संसदेनं राष्ट्राध्यक्ष शी जिनपिंग (Xi Jinping) यांचे जवळचे सहकारी ली कियांग यांना देशाचे नवे पंतप्रधान म्हणून घोषित केलं.
सत्ताधारी कम्युनिस्ट पार्टी ऑफ चायनाचे (Communist Party of China CPC) ठराव नियमितपणे पास करणाऱ्या नॅशनल पीपल्स काँग्रेसच्या (National People's Congres NPC) वार्षिक अधिवेशनात ली कियांग यांच्या उमेदवारीला मान्यता देण्यात आली. ली यांच्या नावाचा प्रस्ताव खुद्द चीनचे राष्ट्राध्यक्ष शी जिनपिंग यांनी ठेवला होता.
63 वर्षीय ली कियांग हे शी जिनपिंग यांच्या अत्यंत जवळचे मानले जातात. शी जिनपिंग यांच्यानंतर ली कियांग हे सीपीसी आणि सरकारमधील क्रमांक दोनचे अधिकारी असतील. 10 मार्चला चीनच्या संसदेनं शी जिनपिंग यांच्या तिसऱ्या पाच वर्षांच्या कार्यकाळाला पाठिंबा दिला. सलग तिसऱ्यांदा त्यांची अधिकृतपणे चीनच्या राष्ट्राध्यक्षपदी निवड झाली आहे. पक्षाचे संस्थापक माओ त्से तुंग यांच्यानंतर अध्यक्षपदी तिसऱ्यांदा विजयी होणारे शी जिनपिंग हे पहिले चिनी नेते ठरले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.