पॅरिस- इस्लाम धर्माचे संस्थापक मोहम्मद पैगंबर यांच्यावरील व्यंगचित्रावरुन फ्रान्समध्ये एका शिक्षकाचा मुस्लिम कट्टरपंथीयांनी शिरच्छेद केल्यानंतर आता पॅरिसमध्ये आयफल टॉवरखाली दोन मुस्लिम महिलांवर चाकूने वार करुन जीवे मारण्याचा प्रयत्न केला आहे. हल्लेखोरांनी या महिलांना शिवीगाळही केली. फ्रान्सच्या पोलिसांनी दोन संशयित महिलांना या हल्ल्याप्रकरणी अटक केली आहे.
पोलिसांनी ज्या महिलांना अटक केली आहे, त्या यूरोपच्या असण्याची शक्यता आहे. या महिलांविरोधात आता हत्येचा प्रयत्न केल्याप्रकरणी खटला चालेल, असे सांगितले जात आहे. या हल्ल्यात जखमी झालेल्या महिला या मूळ अल्जेरिया येथील असून केंजा आणि अमेल अशी त्यांची नावे असल्याचे बोलले जात आहे. केंजा यांच्यावर सहा वेळा वार करण्यात आले असून त्यामुळे त्यांच्या फुफ्फुसाला गंभीर दुखापत झाली आहे. त्यांच्यावर रुग्णालयात उपचार सुरु आहेत.
अमेल यांनाही रुग्णालयात दाखल करण्यात आले आहे. त्यांच्या हातावर शस्त्रक्रिया करण्यात आली आहे. या हल्ल्याबाबत अधिकृत माहिती समजू शकलेली नाही. परंतु, सोशल मीडियावर याच्यावर प्रतिक्रिया उमटण्यास सुरुवात झाली आहे. अनेकांनी या हल्ल्याची छायाचित्रेही शेअर केली आहेत. हा हल्ला रविवारी रात्री झाल्याचे सांगण्यात येते. 18 ऑक्टोबर रोजी रात्री 8 वाजता दोन महिलांवर चाकू हल्ला झाल्याची माहिती आम्हाला मिळाल्याचे पॅरिस पोलिसांनी सांगितले.
पॅरिस पोलिस सूत्रांच्या हवाल्याने 'डेली मेल'ने दिलेल्या वृत्तानुसार, हल्ला झालेल्या महिलेने आपला चेहरा झाकला होता. केंजाने सांगितल्यानुसार त्या फिरण्यासाठी तिथे आले होते. आयफल टॉवरजवळ वॉकिंग करत असताना आमच्या बाजूने दोन श्वान आले. त्यामुळे आमची लहान मुलं घाबरली. माझ्या चुलत बहिणीने बुरखा घातला होता. मुलं घाबरल्याने तिने श्वान घेऊन आलेल्या महिलांना दूर जाण्याची विनंती केली. तरीही त्या महिलांनी दूर जाण्यास मनाई केली आणि दोघांमध्ये वाद सुरु झाला. त्यानंतर श्वान घेऊन आलेल्या महिलेने चाकू काढून केंजा आणि अमेलवर हल्ला केला.
हल्लेखोर महिला चाकूने वार करताना त्या मुस्लिम महिलांना 'घाणरेडे अरबी', 'तुम्ही तुमच्या देशात निघून जा', असे म्हणत शिवीगाळही करत होत्या. त्यावेळी बाजूला असलेल्या दोन दुकानदारांनी यात हस्तक्षेप केला. या दुकानदारांनी त्यातील एका महिलेला पोलिस येईपर्यंत पकडून ठेवले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.