Thailand School Attack: थायलंडमधून भयानक बातमी समोर येत आहे. सोंगखला येथील हाटयाई भागातील एका शाळेत एका बंदूकधार्‍याने घुसून अंदाधुंद गोळीबार केला आणि तेथील विद्यार्थी व शिक्षकांना ओलीस ठेवलं होते.

सशस्त्र हल्लेखोराने आधी विद्यार्थी आणि शिक्षकांना ओलीस ठेवले आणि त्यानंतर झालेल्या गोळीबारात २२ विद्यार्थ्यांसह ३४ जणांचा मृत्यू झाल्याचीही माहिती समोर आली होती, परंतु त्यानंतर स्थानिक मीडियामधून समोर आलेल्या माहितीनुसार या हल्ल्यात तीन जण गंभीर जखमी झाले आहेत.

प्राप्त माहितीनुसार सशस्त्र हल्लेखोराने शाळेत घुसून गोळीबार केला. शाळा सुटण्याची वेळ असतानाच बंदूकधारी हल्लेखोराने शाळेत प्रवेश केल्याचे पोलिसांनी सांगितले आहे.

तसेच , पोलिस अधिकाऱ्यांनी हे देखील सांगितले की हल्लेखोराने काही शिक्षक आणि मुलांना ओलीस ठेवले असून, अनेक विद्यार्थी अजूनही इमारतीत अडकले आहेत. सशस्त्र पोलिस घटनास्थळी पोहोचले आहेत. या घटनेबाबत अजूनही वेगवेगळे अपडेट येत आहेत.