यूक्रेन: दोन दारुडे महिलेच्या घरात घुसले आणि महिलेला बेदम मारहाण केली. मारहाणीनंतर महिलेला कब्रस्तानात घेऊन गेले आणि जिवंत दफन केले. महिलेचा मृत्यू झाल्याचे समजून ते निघून गेले. यानंतर महिलेने स्वतःची सुटका करून घेत चालत घरी आली. महिलेवर रुग्णालयात उपचार सुरू आहेत.
नीना रुडचेन्को (वय 57, रा. मरियान्स्के) असे जखमी झालेल्या महिलेचे नाव आहे. नीनाने प्रसारमाध्यमांना दिलेल्या मुलाखतीत सांगितले की, शेजारी राहणाऱया दोघा दारुड्यांनी घरात घुसून बेदम मारहाण केली. यामुळे मला मोठी दुखापत झाली होती. दोन तास ते मला मारहाण करत होते. यानंतर मी बेशुद्ध पडले. माझ्या चेहऱयावर पाणी टाकून मला शुद्धीत आणले आणि मला कब्रस्तानात घेऊन गेले. मला थडगे खोदायला लावले आणि मला दफन केले. पण, थडग्यात पडल्यानंतर मी चेहरा झाकून घेतला. यामुळे हवा येण्यास मदत झाली. मला दफन केल्यानंतर ते मोठमोठ्याने हसत होते. काही वेळानंतर माझा मृत्यू झाल्याचे समजून ते निघून गेले. यानंतर मी सुटका केली आणि घरी आले. बहिणीने मला रुग्णालयात दाखल केले.'
डॉक्टर ओलेक्संडर क्लेम्चेक यांनी सांगितले की, नीना यांच्या डोक्याला जबर मारहाण झाली होती. जबडा आणि नाक पूर्णपणे तुटले होते. महिलेवर उपचार सुरू आहेत. दरम्यान, पोलिसांनी दोघांवर गुन्हा दाखल केला असून, पुढील तपास करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.