कॅलिफोर्नियातील एका महिलेने घरी नवा सोफा आणला आणि त्यात तिला चक्क २८ लाख रुपये सापडले. या महिलेला ऑनलाईन जाहीरीती दरम्यान हा सोफा मोफत मिळाला होता. सध्या हे प्रकरण सोशल मीडियावर प्रचंड व्हायल होत आहे. विकी उमोडू असे महिलेचे नाव आहे.

उमोडूने कोल्टन येथे घर खरेदी केलं. घरात वस्तू खरेदी करण्यासाठी तिने बजेटमध्ये बसेल अश्या वस्तु विकत घेऊन घर सजवण्याचा निर्णय घेतला. महिलेनं घरासाठी फर्निचर खरेदी करण्यासाठी ऑनलाइन जाहिराती पाहत होती अशात तीला एका कुटुंबाने तिला सोफा सेट मोफत दिला. सुरुवातीला तिला ही मस्करी वाटली पण हे खरं होतं.

विकी उमोडूने जेव्हा मोफत मिळालेला सोफा घरी आणला तेव्हा ती खुप आनंदी होती. नंतर तीला सोफ्याच्या गादीमध्ये ३६ हजार डॉलर म्हणजे तब्बल २८ लाख रुपये दिसले. मात्र अत्ंयत प्रामाणिकपणे तीने ते पैसे सोफ्याच्या खऱ्या मालकाला परत केले. त्या मालकालासुद्धा या संदर्भात काहीच माहिती नव्हती. तिच्या प्रामाणिकपणाचं कौतुक करत त्यांनी तिला दोन हजार डॉलर भेट म्हणून दिले.

सध्या सोशल मीडियावर हे प्रकरण बरंच गाजतय. नेटकरी त्या महिलेच्या प्रामाणिकपणाचं कौतुक करताय.