औरंगाबाद : कोरोनाच्या संसर्गाने मानवी जीवनावर मर्यादा आल्या. समुहापासुन दुर व घरातच बसण्याची वेळ माणसांवर येऊन ठेपली. लॉकडाऊनमध्ये अनेकांना इच्छा असुनही व्यायाम व मॉर्निंग वॉकही करता आले नाही. उलटपक्षी तेलकट व विविध खाद्यपदार्थांवर ताव मारण्याची स्पर्धाच सुरु झाली. त्यातच व्यायामाअभावी अनेकांचे वजन वाढले व व्याधींचाही काहींना सामना करावा लागला ही स्थिती याच काळातील आहे.
मराठवाड्यातील अन्य बातम्या वाचण्यासाठी यावर क्लिक करा..!
याबाबत जिल्हा रुग्णालयातील वैद्यकीय अधिकारी व राठोड आयुर्वेदीक व पंचकर्म सेंटर येथील डॉ. संतोष राठोड यांनी सांगितले की, लॉकडाऊनमध्ये अनेकांना आहार व व्यायामाकडे लक्ष देता आले नाही; परिणामी अनेकांचे वजन वाढले. लॉकडाऊन काळात व त्यानंतर वजन व इतर आरोग्याच्या समस्यांच्या उपायांसाठी रुग्णांची मोठी संख्या दिसुन आली. खाद्य पदार्थांवर अनेकांनी ऐतेच्छ ताव मारला. फिरण्यावर व व्यायामावर नियंत्रण होते. पण खाण्यावर नियंत्रण दिसून आले नाही. विशेषतः या काळात फारसे कामच नसल्याने व नोकरदारांना घरीच काम करण्याची मुभा दिल्याने वजन वाढल्याचेही तसेच पचनक्रिया बिघडण्याच्या समस्यांत वाढ दिसून आली. या समस्यांवर औषधीविना आपण उपाय करू शकतो. त्यासाठी जीवनशैली व संतुलित आहाराची गरज आहे.
हे करा
-नियमीत पायी चाला.
-पोट नेहमी साफ राहील याची काळजी घ्या.
-आहारात हिरव्या पालेभाज्यांचा वापर करा.
-कोमट पाणी प्यावे, वजन कमी होण्यास मदत होते.
-हा फार्म्युला केला तर महिण्यात तीन किलो वजन कमी होते.
-ही चार ते पाच पथ्थ्य पाळल्यास शरीरातील कोलेस्ट्राल कमी होते.
हे करु नका...
-जेवनानंतर लगेच झोपु नका.
-दिवसा झोपु नकाच. झोपल्यावर कॅलरीज वाढतात.
-चरबी वाढण्यास दिवसाची झोप कारणीभूत.
-जेवनानंतर रात्री किमान दीड तासानंतर झोपावे.
-रात्री सात ते आठ या वेळेत जेवणे उत्तम.
-रात्री दहाला झोपावे व सुर्योदयापुर्वी उठावे.
औरंगाबाद जिल्ह्यातील महत्त्वाच्या बातम्या वाचण्यासाठी येथे क्लिक करा.
हेही महत्वाचे
-ज्यांचे जन्मतःच वजन वाढलेले आहे. अशांना वजन नियंत्रणात आणण्यास वेळ लागतो.
-महिलांचे वजन साठच्या वर असेल तर मासीक पाळीत अनियमितता येते.
-शिवाय गर्भधारणेला अडचणी येऊ शकतात.
-वजन वाढीमुळे थॉयराईड, उच्चरक्तदाब व मधुमेहाला निमंत्रण.
-क्रयशक्ती कमी होते, गुढघेदूखीची समस्या निर्माण होतात.
Edit- Pratap Awachar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.