Home Remedies for Prickly Heat: गेल्या काही दिवसांपासून उष्णतेत वाढ झाली आहे. तापमान ४० च्या आसपास आहे. अत्ताच जर अशी परिस्थिती तर पुढे किती उन असेल याची कल्पना येतेय. कडक उन्हाळ्यात घाम तर येतोच. पण, त्वचेशी संबधित समस्या निर्माण होतात. त्वचेवर रॅशेस येणे, खाज, घामोळं आदी समस्या असतात. उन्हाळ्यात सर्वात जास्त त्रास होतो तो घामोळ्यांचा पाठ, मानवेर अशा विविध ठीकाणी छोटं छोटं पुरळ येऊन जळजळ होते. याचा त्रास अनेकांना होतो. त्यामुळे या पासून वाचण्यासाठी लोकं विविध उपाय करतात. काही घरगुती उपायांमुळे तुम्ही घामोळ्यांपासुन स्वत:चे संरक्षण करू शकाल.

ही घ्या काळजी

कोरफड जेल - कोरफडीचे जेल लावल्याने घामोळ्यांपासून थोडेसे संरक्षण मिळू शकते. ऐलोव्हेरा जेलमुळे त्वचेशी संबघित समस्या दूर होऊन शरीर थंड राहते. यासाठी जेल जिथे घामोळे आले आहे त्या जागी लावून हलक्या हातांनी मसाज करा १५-२० मिनिटं तसचं राहू द्या. नंतर पाण्याने स्वच्छ धुवा. दिवसातून दोन ते तीन वेळा हे जेल लावल्याने त्वचेवर पुरळ, खाज सुटणे, जळजळ आदी समस्या दूर होतात. कोरफडीमुळे तुमची त्वचा मऊ होते.

कच्च्या बटाट्याने फायदा- तुम्ही घामोळ्यावर कच्च्या बटाट्याचा रस पिळून लावू शकता. हा रस १० मिनिटं लावून ठेवा. त्यानंतर थंड पाण्याने तो रस धुवून घ्या. दिवसातून दोन वेळा हा रस लावल्याने त्वचेवरची जळजळ, टोचणे दूर होते.

मेहंदी पाडवरचाही फायदा- जर तुम्हाला घामोळ्यांचा त्रास असेल तर तुम्ही मेहंदी पावडर वापरू शकता. यासाठी १ चमचा मेहंदी पावडरची पेस्ट तयार करून घ्या. ही पेस्ट घामोळं. रेशेसवर १५ मिनिटं लावा. त्यानंतर धुवून टाका. मेहंदी त्वचा आणि केसांसाठी चांगली असते. त्यात गारवा तर असतोच शिवाय बॅक्टेरियाच्या वाढीस प्रतिबंध करणारे गुणधर्म असतात. त्यामुळे उष्णता लवकर बरी होण्यास मदत होते.