'आलं' (Ginger) खूप औषधी आहे. आल्याच्या माध्यमातून अनेक आरोग्य समस्यांवर (Health Problems) उपचार करता येतात. घरगुती आणि आयुर्वेदीक (Ayurveda) उपायांमध्ये त्याचा वर्षानुवर्षे वापर केला जात आहे. आल्याचा काढा आरोग्यासाठी खूप लाभदायक (Good for Health) असतो. त्याची चव जरी थोडी तिखट असली तरी त्याचे अनेक आरोग्यदायी फायदे देखील आहेत. त्यामुळे हिवाळ्यात (Winter) हा काढा प्यायल्याने खूप फायदा होतो.

चला, जाणून घेऊया आल्याच्या काढ्याचे फायदे (Benefits of Ginger) -

1. वेदनेतून आराम (Relief from pain)-

कधीकधी व्यायामादरम्यान स्नायू ताणले जातात आणि दुखापतग्रस्त होतात. त्यामुळे वेदना वाढू लागते. त्यामुळे शरीरात वेदना आणि थकवा जाणवतो. या दुखण्यापासून मुक्त होण्यासाठी आल्याचा काढा जरूर प्या, कारण तो वेदना कमी करतो. याशिवाय आल्याला त्याच्यातील प्रतिजैविक गुणधर्मांमुळे काही संक्रमणांवर उपचार करण्यासाठी देखील ओळखले जाते.

2. दाहकता आणि ऍलर्जी शामक (Anti Inflammatory and anti Allergy) -

आल्यामध्ये जळजळ कमी करण्याची आणि ऑस्टियोपोरोसिस (osteoporosis) सारख्या तीव्र आजारांना बरे करण्याची शक्ती आहे. याशिवाय यात अँटी-एलर्जिक (anti Allergy) गुणधर्म देखील आहेत जे त्याच्या मुळांवर काम करून ऍलर्जी बरे करण्यास मदत करतात.

3. अल्सरपासून संरक्षण करते (Protect from Ulcer)-

आलं अनेक सक्रिय संयुगे जसे की जिंजरॉल आणि शोगोल यांनी समृद्ध आहे, जे पोटासाठी आवश्यक आहेत आणि अल्सर टाळण्यासाठी ओळखली जातात.

आल्याच्या काढ्याचे प्रकार-

1. आले मध, आणि लिंबाचा काढा - हा काढा घसा खवखवण्यापासून आराम देण्यासाठी उपयुक्त आहे. आले, मध आणि लिंबू यांचे मिश्रण जळजळ शांत करण्यासाठी चांगले आहे.

2. तुळसयुक्त आल्याचा काढा- तुळशीची काही पाने घाला. सर्दी आणि खोकल्यापासून त्वरित आराम मिळवण्यासाठी, हा काढा तसेच रोगप्रतिकारक शक्ती वाढवण्याच्या गुणधर्मांसाठी ओळखला जातो.

3. काळी मिरी, लवंग आणि आल्याचा काढा- हा काढा तुमच्या आरोग्याच्या समस्यांना तोंड देण्यासाठी आणि तीव्र वेदनांपासून आराम मिळवून देण्यासाठी एक उत्तम मार्ग आहे.