Why Mood Swings Happen : जेव्हा एखाद्या व्यक्तीच्या वागण्यात अचानक बदल होतो, त्याला मूड स्विंग्स होणे असे म्हणतात. अनेक जणांमध्ये वारंवार मूड स्विंग होण्याची समस्या असते. वारंवार मूड स्विंग होण्याच्या समस्येमुळे याचा परिणाम तुम्ही करत असलेल्या कामावरही होतो.

ज्यावेळी मूड स्विंग होतो त्यावेळी शरीरात उर्जेची कमतरता जाणवू लागते. त्यामुळे व्यक्ती त्रासलेली दिसून येते. यामुळे संबंधित व्यक्तीच्या वागण्यात चिडचिडेपणा, कमी-अधिक प्रमाणात भूक, झोप न लागणे आदी लक्षणं दिसून येतात. जर, तुम्हीदेखील वारंवार मूड स्विंग होण्याच्या समस्येने त्रस्त असाल तर, येथे दिलेल्या काही उपायांचा तुम्ही अवलंब करून आरम मिळवू शकता. असे केल्याने तुम्ही या समस्येपासून मुक्त होऊ शकता.

फायबरयुक्त पदार्थांचे सेवन करा

मूड स्विंगच्या समस्येवर मात करण्यासाठी ताजी फळे आणि भाज्यांचे सेवन करा. कारण त्यात फायबरचे प्रमाण अधिक असते. याशिवाय जेवणात व्हिटॅमिन सीचे प्रमाण वाढवा. व्हिटॅमिन सी मूड स्विंग किंवा तणाव कमी करण्यास मदत करते. त्यामुळे तुम्हालादेखील मूड स्विंगचा त्रास होत असेल तर, आहारात फायबरयुक्त पदार्थांचा अवश्य समावेश करा.

दीर्घ श्वास घ्या

दीर्घ श्वासोच्छवासाच्या मदतीने मूड स्विंगची समस्या टाळता येते. हे करण्यासाठी, शांत ठिकाणी ध्यानाच्या मुद्रेत बसा. त्यानंतर दीर्घ श्वास घ्या आणि हळू हळू सोडा. असे 10 वेळा करा. ही क्रिया दररोज केल्यास मूड स्विंगच्या समस्येवर मात करणे शक्य आहे.

भरपूर पाणी प्या

अधि प्रमाणात पाणी प्यायल्यानेदेखील वारंवार होणारी मूड स्विंगच्या समस्येवर नियंत्रण मिळवता येऊ शकते. त्यामुळे दररोज पुरेसे पाणी शरिरात जाऊ द्या. शरिरातील पाण्याचे प्रमाण कमी झाल्याने डिहायड्रेशनची समस्या होऊ शकते. तसेच यामुळे वारंवार मूड बदलू शकतो.