Mother's Day 2023 : मातृदिन दरवर्षी मे महिन्याच्या दुसऱ्या रविवारी साजरा केला जातो. हा एक दिवस आईला समर्पित असून इतर दिवशी त्यांना विशेष महत्त्व दिले जात नाही म्हणून या दिवसाच्या निमित्ताने तिच्या आनंदाचा तिच्या भावनांचा विचार व्हावा हा हेतू असतो. रोज सगळी कामं करणे, घर सांभाळणे आणि आणखी अशा बऱ्याच जबाबदाऱ्या आईवर असतात. नवीन मातांसाठी हे अधिक आव्हानात्मक होते कारण त्या शारीरिक तसेच मानसिक तणावातून जात असतात. अशा परिस्थितीत नवीन मातांनी त्यांच्या मानसिक आरोग्याची काळजी घेतली पाहिजे.

या संदर्भात डॉ. वर्षा महाडिक, सल्लागार मानसोपचारतज्ज्ञ, नवी दिल्ली, द लाइफस्टाइल क्लिनिक, एमबीबीएस डीएनबी मानसोपचार काही महत्त्वाच्या टिप्स देत आहेत, तुम्हीही त्या फॉलो करा.

परिस्थिती समजून घ्या

नुकत्याच माता झालेल्या महिलांना त्यांची परिस्थिती नीट समजत नाही. याचे कारण असे की ते त्यांचा जास्तीत जास्त वेळ त्यांच्या मुलांमध्ये जातो. आणि स्वतःसाठी त्यांना वेळच मिळत नाही. जेव्हा नवीन माता स्वतःसाठी वेळ काढत नाहीत, तेव्हा ते त्यांना चिडचिड होते आणि त्यांचा राग त्यांच्या या परिस्थितीवर निघतो. नवीन मातांनी त्यांची परिस्थिती समजून घेण्याचा प्रयत्न केला पाहिजे.

प्रेशर घेऊ नका

नवीन मातांचे मानसिक आरोग्य देखील अनेक वेळा अस्थिर होते कारण त्या स्वतःवर कामाचा खूप दबाव घेतात. साहजिकच मुलाच्या आगमनामुळे स्त्रीवर कामाचा ताण वाढतो. मुलाची काळजी घेण्यापासून ते तुमच्या आरोग्यावर आणि आहारावर बारीक लक्ष ठेवण्यापर्यंत तुमच्यावर जबबादाऱ्या असतात. परंतु नवीन मातांना कामाचा ताण कमी करणे आवश्यक आहे. याशिवाय काही कारणाने काही काम पूर्ण होत नसेल तर त्याकडे दुर्लक्ष करा. काम चोखपणे पूर्ण करण्याचे ओझे घेणे टाळा.

स्वतःसाठी वेळ काढा

नवीन मातांकडे स्वतःसाठी खूप कमी वेळ असतो. त्यांना त्यांच्या मुलाची चोवीस तास काळजी घ्यावी लागते. कधी त्याला आंघोळ घालणे, कधी खाऊ घालणे, कधी डायपर बदलणे. नवीन आई या सगळ्या कामात इतकी गुंतून जाते की तिला तिचं व्यक्तिमत्व कुठेतरी हरवल्यासारखं वाटतं. तुम्ही स्वतःसाठीही वेळ काढला पाहिजे. तुमच्या मनाचा विचार करा. जास्त वेळ काढता येत नसेल तर दीड तास स्वतःसाठी काढता येईल. निदान 10-15 मिनिटेतरी स्वतःसाठी काढा. या वेळेत संगीत ऐका, इन्स्टा किंवा फेसबुकवर वेळ घालवा. यामुळे तुम्हाला चांगले वाटेल आणि मानसिक आरोग्य सुधारेल.

बाळासह विश्रांती घ्या

नवीन मातांनाही विश्रांतीसाठी कमी वेळ मिळतो. त्यांना पुरेशी झोप मिळायला हवी. परंतु, नवीन माता अनेकदा त्यांच्या बाळासह रात्री जागतात. यामुळे मातांच्या मानसिक स्थितीवरही वाईट परिणाम होतो. ते हाताळण्यासाठी, आपण पूर्ण विश्रांती घेणे आवश्यक आहे. जर तुमचे बाळ रात्री जागे झाले आणि दिवसा झोपले तर तुम्ही दिवसाही तुमच्या बाळासोबत झोपले पाहिजे. तुझी सगळी कामं सोडा. विश्रांतीमुळे तुम्हाला तुमच्या बाळासोबत दर्जेदार वेळ घालवता येईल, ज्यामुळे तुमचा आणि तुमच्या बाळामधील संबंध मजबूत होण्यास मदत होईल. (Health)

गप्पा मारा

मूल झाल्यानंतर, स्त्रिया स्वतःला पूर्णपणे स्वत:त गुंतवून घेतात. मुलाची काळजी घेताना ती तिच्या मित्र-मैत्रिणींशी आणि नातेवाईकांशी गप्पा मारायला विसरते. तसेच, नवीन आई झाल्यानंतर महिलांमध्ये होणाऱ्या हार्मोनल बदलांमुळे त्यांच्या मनात अनेक नकारात्मक भावना निर्माण होतात. अशा वेळी त्यांनी आपल्या मनातील गोष्टी कोणाशीही शेअर केल्या नाही तर त्यांची मन:स्थिती बिघडू शकते. (Mother's Day)

परंतु वेळेच्या कमतरतेमुळे या महिलांना आपले मन हलेक करता येत नाही आणि त्यांचे मन निराशेने किंवा संतापाने भरलेले असते. हे तुमच्यासोबत होऊ नये म्हणून तुम्ही तुमचे मित्र, नातेवाईक आणि पतीसोबत भरपूर गप्पा मारणे महत्त्वाचे आहे. तुमचे मानसिक आरोग्य मजबूत असेल, ज्यामुळे तुम्ही सर्व प्रकारच्या परिस्थिती हाताळण्यास सक्षम असाल.