सलमानपूर्वी कोणत्या बॉलीवूडच्या सेलिब्रेटींना होती जीवे मारण्याची धमकी?, कारण...

युगंधर ताजणे

Updated:६ जून, २०२२, ८:४५ AM

Bollywood News: बॉलीवूडचा भाईजान सलमान खानला (salman khan) जीवे मारण्याची धमकी मिळाली अन् बॉलीवूडमध्ये खळबळ उडाली आहे. काही दिवसांपूर्वी प्रसिद्ध पंजाबी गायक सिद्धार्थ मुसेवाला (sidharth moose wala) याची काही गुंडांनी हत्या केली. (bollywood Celebrity) हे प्रकरण ताजे असतानाच पुन्हा त्याच स्वरुपाची धमकी सलमानला मिळाल्यानं त्याच्या चाहत्यांनी काळजी व्यक्त केली आहे. पोलिसांकडून आता सलमानला संरक्षण देण्यात आल्याची माहिती सुत्रांनी दिली आहे. यापूर्वी केवळ सलमानच नाही तर बॉलीवूडच्या अनेक (entertainment news) सेलिब्रेटींनी जीवे मारण्याची धमकी मिळाली होती. कोण होते ते सेलिब्रेटी हे आपण जाणून घेणार आहोत.

गोविंदा - केवळ अभिनयच नाही तर राजकीय क्षेत्रामध्ये देखील आपली छाप उमटविणाऱ्या गोविंदाला देखील अंडरवर्ल्डचा झटका बसला होता. त्यालाही जीवे मारण्याची धमकी आली होती. त्यावेळी मोठा सुपरस्टार असणाऱ्या गोविंदाला आलेल्या धमकीनं बॉलीवूड हादरुन गेलं होतं. असं सांगितलं जातं की, ती धमकी त्याला डॉन दाऊदकडून आली होती.

अक्षय कुमार - पीटीआयच्या एका रिपोर्टनुसार, अक्षयनं क्राईम ब्रँचकडे त्याला मिळालेल्या धमकीबाबत तक्रार केली होती. काही गुंडांनी त्याला धमकावलं होतं. त्याच्याकडून पैशांची मागणीही केली होती. गँगस्टर रवी पुजारीकडूनच त्याला पैशांसाठी फोन येत होते. असे त्या रिपोर्टमधून समोर आले होते.

अरिजित सिंग - बॉलीवूडचा प्रसिद्ध गायक अरिजित सिंगला कुख्यात गुंड रवि पुजारीकडून जीवे मारण्याची धमकी मिळाली होती. त्यानं त्याच्याकडे पाच कोटी रुपयांची मागणी केली होती. याशिवाय पुजारानं अरिजित सिंगला आपल्यासाठी एक लाईव्ह कॉन्सर्ट करण्याची अटही घातली होती.

अली मोरानी - बॉलीवूडचे प्रसिद्ध निर्माते अली मोरानी यांच्या घराच्यासमोर काही गुंडांनी गोळीबार केला होता. त्यांना काही महिन्यांपासून रवी पुजारीकडून खंडणीसाठी फोन येत होते. मात्र त्यांनी त्याकडे दुर्लक्ष केले. त्यामुळे चिडलेल्या रवीनं त्यांच्या घराच्याबाहेर गोळीबार केला होता.

महेश भट्ट - प्रसिद्ध निर्माता आणि दिग्दर्शक महेश भट्ट हे देखील एका अंडरवर्ल्ड़ डॉनच्या धमकीनं त्रस्त झाले होते. त्यांनी मुंबई पोलिसांकडे धाव घेत त्याविषयी सांगितले. याप्रकरणी पोलिसांनी 13 जणांना अटकही केली होती. हे प्रकरणही त्यावेळी खूप चर्चेत आले होते. 15 नोव्हेंबर 2014 साली ही घटना घडली होती.

सलमान खान - दबंग अभिनेता सलमान खानला भलेही आता एक जीवे मारण्याची धमकी मिळाली असेल मात्र त्याला 2002 मध्ये देखील अशीच एक धमकी मिळाली होती. त्याप्रकरणी मुंबई पोलिसांनी काही जणांना अटक करुन त्यांच्याकडून शस्त्रंही जप्त केली होती. यावेळी सलमाननं देखील सुरक्षेसाठी आपल्याला शस्त्राचा परवाना हवा. अशी मागणी पोलिसांकडे केली होती.

शाहरुख खान - बॉलीवूडचा किंग खान शाहरुखला तर यापूर्वी अनेकदा खंडणीच्या, जीवे मारण्याच्या धमक्या आल्या आहेत. मुंबई पोलिसांनी त्याप्रकरणी काही जणांना जेरबंदही केलं होतं. हॅप्पी न्यु इयर या चित्रपटाच्या वेळी शाहरुखला जीवे मारण्याची धमकी आली होती. कुख्यात गुंड अबु सालेमनं देखील शाहरुखला त्याची निर्मिती असलेल्या एका चित्रपटामध्ये काम करण्यासाठी धमकी दिली होती.

सोनु निगम - बॉलीवूडचा लोकप्रिय गायक सोनु निगम यानं एका चित्रपटामध्ये अभिनय केला होता. त्याची त्या चित्रपटामध्ये अभिनय करण्याची हौस त्याला एकदा महागात पडली होती. आणखी काही चित्रपटांत त्यानं अभिनयाचे काम करावे अशी धमकी त्याला अंडरवर्ल्डमधून आल्याचे सांगितले जाते. त्याच्याकडून बळजबरीनं कॉन्ट्रॅक्टही करुन घेतले होते.

बोमन इराणी - शाहरुखला धमकी मिळाल्यानंतर तीन दिवसांनी प्रसिद्ध अभिनेता बोमन इराणी यांना देखील जीवे मारण्याची धमकी मिळाली होती. ती रवी पुजारीनं दिली होती. ही घटना शाहरुखच्या हॅप्पी न्यु इयरच्या दरम्यानची आहे. इराणी यांना पुजारीकडून धमकीचे फोन येत असल्याची माहिती पोलिसांनी दिली होती.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

SCROLL FOR NEXT

सलमानपूर्वी कोणत्या बॉलीवूडच्या सेलिब्रेटींना होती जीवे मारण्याची धमकी?, कारण...

Also Read

Lok Sabha Election 2024 Phase 3 LIVE Updates : दुपारी एक वाजेपर्यंत देशात 39.92 टक्के मतदान; महाराष्ट्रात 31.55 टक्के मतदानाची नोंद

Video: दत्ता भरणे यांच्याकडून गावकऱ्यांना शिवीगाळ? सुप्रिया सुळे यांच्याकडून निवडणूक आयोगाकडे तक्रार

Uber Fake Fare Scam : चालक दाखवतायत खोटं भाडं, ग्राहकांची होतेय लूट.. उबरने दिला सावधान राहण्याचा इशारा!

Latest Marathi News Live Update: ''ही माझी शेवटची निवडणूक आहे'', काँग्रेस नेते दिग्विजय सिंह यांचे वक्तव्य

MI Playoffs Chances : बुडत्या मुंबईचं थालाच्या चेन्नईकडे लक्ष! MI फॅन्स निराश होऊ नका... अजूनही होता येईल क्वालिफाय?