पाचोरा (जि. जळगाव) : नगरदेवळा (ता. पाचोरा) येथील दोन शेतकऱ्यांच्या शेतात ठेवलेला दोन लाख रुपये किमतीचा २८ किलो कापूस चोरट्यांनी लंपास केला. या प्रकरणी गुन्हा दाखल करण्यात आला आहे. (28 quintal cotton stole from Nagardeola farm Jalgaon crime news)

कापसाचे भाव कमालीचे खालावल्याने चांगला भाव मिळेल, या अपेक्षेने शेतकऱ्यांनी कापूस शेतात व घरात साठवून ठेवला आहे. नगरदेवळा येथील दिवारसिंग राऊळ यांच्या पिंपळगाव शिवारातील शेतातील शेडमध्ये ४८ हजार रुपये किमतीचा कापूस साठवून ठेवण्यात आला होता.

तसेच राजेंद्र राऊळ यांच्या शेतातील गोदामात उमेश राऊळ यांचा दीड लाख रुपये किमतीचा कापूस साठवून ठेवला होता. या पांढऱ्या सोन्यावर चोरट्यांची वक्रदृष्टी पडली व त्यांनी या कापसावर डल्ला मारला.

हेही वाचा : प्राप्तिकर उत्पन्न सवलत मर्यादा वाढणार?

दोन्ही शेतकऱ्यांच्या दोन लाख रुपये किमतीचा २८ क्विंटल कापूस गोदामाचे कुलूप तोडून व शेडमधून लंपास करण्यात आला आहे. शेतकऱ्यांनी दिलेल्या फिर्यादीनुसार पोलिसांनी गुन्हा दाखल करण्यात आला असून, पोलिस निरीक्षक प्रताप इंगळे यांच्या मार्गदर्शनाखाली नगरदेवळा दूरक्षेत्राचे पोलिस तपास करीत आहेत.