Jalgaon News : शहरातील सम्राट कॉलनीत वाढदिवसाचा केक कापताना झालेल्या वादातून उसळलेल्या दंगलीप्रकरणी पोलिसांनी आठ संशयितांना ताब्यात घेतले आहे. (8 suspects arrested for stone pelting in Samrat Colony jalgaon crime news)

सम्राट कॉलनीत बुधवारी (ता. १७) रात्री दहाच्या सुमारास जिशांत ऊर्फे दिशू युनूस शिकलीकर (रा. मासूमवाडी) याच्या वाढदिवसानिमित्त केक कापल्यानंतर काहींनी एकमेकांवर अंडे मारण्यास सुरवात केली.

त्यातून वाद होऊन त्याठिकाणी अचानक जमलेल्या तरुणांनी दगडफेक केली. यात दोन मालवाहू रिक्षा आणि दोन दुचाकींचे नुकसान झाले. दगडफेकीमुळे सम्राट कॉलनीत तणावाचे वातावरण निर्माण झाले होते. माहिती मिळाल्यावर एमआयडीसी पोलिस ठाण्याच्या कर्मचाऱ्यांनी धरपकड करण्यास सुरवात केली.

हेही वाचा : Credit Card फसवणूक....काय घ्याल काळजी?

पोलिसांनी जिशांत शिकलीकर, शकीब फारूख पटेल, उमर ऊर्फ गोलू जावेद शेख, परवेज ऊर्फ तिरंग खान युनूस खान, रिुक मुसा पटेल, सय्यक अकिब सय्यद वाहेद, अफसर जाकीर शेख, नईम बंडू शिकलीकर (सर्व रा. मासूमवाडी) यांना ताब्यात घेतले.

याप्रकरणी पोलिस नाईक छगन तायडे यांनी दिलेल्या फिर्यादीवरून गुरुवारी (ता. १८) रात्री एमआयडीसी ठाण्यात गुन्हा दाखल झाला आहे. पोलिस उपनिरीक्षक दत्तात्रय पोटे तपास करीत आहे.