Jalgaon Crime News : बहिण व भावाचे नाते अत्यंत पवित्र मानले जाते. रक्षाबंधन, भाऊबीजेला प्रत्येक भाऊ आपल्या बहिणीच्या संरक्षणाची व तिच्या सुरक्षित जीवनाची हमी घेत असतो. (cousin molested sister jalgaon crime news)

असे असताना पिंपळगाव हरेश्वर (ता. पाचोरा) पोलिस ठाण्याच्या हद्दीतील एका गावात नराधम भावाने अल्पवयीन बहिणीशी अश्लील चाळे करत अतिप्रसंग करण्याचा प्रयत्न केला. पीडितेच्या तक्रारीनुसार पोलिसांनी गुन्हा दाखल करून त्यास अटक केली आहे.

छत्रपती संभाजीनगर येथील रहिवासी असलेली तेरा वर्षीय पीडित बालिका पिंपळगाव हरेश्वर पोलिस ठाण्याच्या हद्दीतील एका गावात सुट्टीनिमित्त आजीकडे आली होती.

हेही वाचा : Credit Card फसवणूक....काय घ्याल काळजी?

सोमवारी (ता. ५) दुपारी पीडित बालिका घरात झोपलेली असताना तिचा चुलत भाऊ घरात आला व अल्पवयीन चुलत बहिणीला एकटी झोपलेली पाहून त्याच्या मनात बहीण भावाच्या पवित्र नात्याला कलंक लावणारे विचार आले.

त्याने अल्पवयीन चुलत बहिणीजवळ जाऊन तिचा विनयभंग केला व अतिप्रसंगाची जबरदस्ती केली. पीडितेने आपली सुटका करून घेत घडला प्रकार आपल्या नातलगांना सांगितला व पोलिसात तक्रार दिली.

त्या आधारे पोलिसांनी सैतानी मनोवृत्तीच्या तिच्या भावास अटक केली असून, पुढील तपास उपनिरीक्षक अमोल पवार करीत आहेत.