Jalgaon Crime News : शहरातील बसस्थानकासमोरून पूजा शॉपी जवळून शेतकऱ्याची दोन लाखांची रोकड दुचाकीस्वरांनी धूम स्टाईलने लांबविल्याची घटना शुक्रवारी दुपारी साडेबाराच्या सुमारास घडली. ( farmer 2 lakh stolen from Muktainagar jalgaon crime news )

तालुक्यातील पिंपरी पंचम येथील रहिवासी शेतकरी भगवान विश्वनाथ पाटील (वय ६५) यांनी बोदवड रोडवरील एचडीएफसी बँकेतून शेतीसाठी दोन लाख रुपये काढले व त्यांच्याजवळ असलेल्या बँकेचे पासबुक व चेकबुकसह स्कुटीने घराकडे निघाले होते.

त्यावेळी त्यांचा पाठलाग करत बोदवड करून येणाऱ्या दुचाकीवरील दोघा चोरट्यांनी शेतकऱ्याजवळील दोन लाखांची रोकड लंपास करून चौकाकडे पोबारा केला.

याप्रकरणी मुक्ताईनगर पोलिसात गुन्हा दाखल करण्यात आला आहे.

पोलिस निरीक्षक नागेश मोहिते यांच्या मार्गदर्शनाखाली उपनिरीक्षक राहुल बोरकर तपास करीत आहेत.