Jalgaon Crime News : औद्योगीगिक वसाहत परिसरातील गुरुदेव नगरात गुदामातून गुटखा, पानमसाला, सुगंधीत तंबाखूचा साठा पोलिस महानिरीक्षक डॉ. बी. जी. शेखर यांच्या पथकाने छापा टाकून जप्त केला. (Gutkha worth 10 lakh seized from MIDC jalgaon crime news)

छाप्यात नऊ लाखांची दोन वाहने व २३ हजारांची रोकड असा एकूण १९ लाख १४ हजार ६०० रुपयांचा मद्देमाल जप्त केला. भगवान साहेबराव पाटील (३०, रा. आव्हाणी, ता. धरणगाव) याला ताब्यात घेताच त्याचा साथीदार पसार झाला. एमआयडीसी पोलिसांत गुन्हा दाखल झाला.

गुरुदेव नगरातील गुदामात गुटखा साठवून ठेवण्यासह त्याची विक्री केली जात असल्याची गुप्त माहिती विशेष पोलिस महानिरीक्षक डॉ. बी. जी. शेखर यांच्या पथकाला मिळाली होती.

त्यानुसार पथकाने गुदामावर छापा टाकला. त्या वेळी विविध प्रकारचा पानमसाला, गुटखा, तंबाखू, जर्दा, सुगंधित तंबाखू असा साठा आढळला. पुढील तपास पोलिस निरीक्षक रंगनाथ धारबळे करीत आहेत.