जळगाव : कुटुंबातून वारसा नव्हे, तर सेवेचा, मतदारसंघातील समस्या सोडविण्याचा वसा घेऊन आलोय. आपला विश्वास सार्थ ठरवेल, अशी ग्वाही नाशिक पदवीधर मतदारसंघ निवडणुकीतील अपक्ष उमेदवार सत्यजित तांबे यांनी दिली.

निवडणुकीच्या पार्श्वभूमीवर जळगावात गुरुवारी (ता. २६) झालेल्या पदवीधरांच्या मेळाव्यात ते बोलत होते. व्यासपीठावर गोदावरी फाउंडेशनच्या सचिव डॉ. केतकी पाटील, जिल्हा माध्यमिक शिक्षक पतपेढीचे चेअरमन एस. डी. भिरूड व अन्य पदाधिकारी उपस्थित होते. (Jalgaon News Satyajeet Tambe speaking in a meeting held at Leva Bhavan Jalgaon News)

....इथं बनतो आपला लाडका तिरंगा

सरदार लेवा भवनात झालेल्या या मेळाव्यास उपस्थित शिक्षक व पदवीधर मतदारांसमोर बोलताना श्री तांबे म्हणाले, की आपण आधी जनतेची, उत्तर महाराष्ट्रातील लोकांची कामे केली. तरुणांचे प्रश्न मांडले. त्यांच्यासाठी आंदोलन केले.

त्यानंतर आपल्यासमोर उमेदवार म्हणून आलोय. आपण माझ्यावर विश्वास दर्शवाल, अशी अपेक्षा त्यांनी व्यक्त केली. या मेळाव्याच्या यशस्वितेसाठी शैलेंद्र (छोटू) खडके यांनी नियोजन केले.