जळगाव : पश्चिम बंगालमधील निवडणूक रणसंग्राम शिगेला पोचलेला असताना राज्यातून नियोजनासाठी गेलेल्या गिरीश महाजनांना सोमवारी भाजपनेते तथा केंद्रीय गृहमंत्री अमित शहांनी त्यांच्यासोबत रोड शोच्या प्रचाररथावर बोलावून घेतले. ‘ये गिरीशभाई महाराष्ट्र से आए है भाजपा को जिताने के लिए.. ताली बजाओ इनके लिए.. असे सांगत शहांनी महाजनांचा गौरव केला.
पश्चिम बंगालमधील विधानसभा निवडणूक देशभरात विविध कारणांनी गाजतेय. तीन टर्मपासून सत्ताधारी तृणमूल काँग्रेससमोर यावेळी प्रथमच भाजपने मोठे आव्हान उभे केले आहे. देशभराती विविध भागातून भाजपचे नेते नियोजनासाठी बंगालमध्ये गेले असून महाराष्ट्रातून माजी मंत्री गिरीश महाजन गेल्या दोन आठवड्यांपासून निवडणुकीच्या नियोजनात सक्रिय आहे.
शहांच्या ‘रोड शो’चे नियोजन
सोमवारी भाजपनेते तथा केंद्रीय गृहमंत्री अमित शहा यांचा पश्चिम बंगालमधील बालूरघाट मतदारसंघात रोड शो आयोजित करण्यात आला होता. या रोड शोचे नियोजन गिरीश महाजनांकडे होते. त्यांनी अत्यंत शिस्तबद्धपणे रोड शोचे नियोजन केले. अमित शहांची या रोड शोदरम्यान रॅली सुरु झाली आणि रॅलीत ‘जय श्रीराम’चा जयघोष झाला.
महाजनांना प्रचाररथावर बोलावले
रोड शोच्या नियोजनात व्यस्त गिरीश महाजनांना पाहून अमित शहांनी माईकवर ‘गिरीश महाजन उपर आजाओ भाई..’ असे जाहीर करत महाजनांना प्रचाररथावर बोलावून घेतले. मतदारसंघातील उमेदवार व रॅलीत सहभागी मतदारांना आवाहन करताना शहा यांनी ‘ये गिरीशभाई महाराष्ट्र से आए है..’ असे सांगत महाजनांचा सन्मान केला. त्यासंबंधीचा व्हीडीओ आणि छायाचित्रेही आज सोशल मीडियावर व्हायरल झाली.
संपादन- भूषण श्रीखंडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.