Jalgaon Crime News : शहरातील पिंप्राळा रोड परिसरातून अवैध वाळू वाहतूक करणाऱ्या दोन ट्रॅक्टरवर तालुका पोलिसांनी कारवाई करून ताब्यात घेतले. (Taluka police action against two tractors transporting illegal sand jalgaon crime news)

सावखेडा शिवारातील पिंप्राळानगर रोड परिसरातून शुक्रवारी (ता. २३) रात्री आठला बेकायदेशीर वाळू वाहतूक करणाऱ्या दोन ट्रॅक्टरवर जळगाव तालुका पोलिसांनी कारवाई केली.

दोघी चालकांकडे वाळू वाहतुकीचा कोणताही परवाना नसल्याचे आढळून आले. पोलिसांनी वाळूने भरलेले ट्रॅक्टर जळगाव तालुका पोलिस ठाण्यात जमा केली आहेत.

हेही वाचा : Credit Card फसवणूक....काय घ्याल काळजी?

याबाबत पोलिस नाईक लीलाधर महाजन यांनी दिलेल्या फिर्यादीवरून दोन्ही ट्रॅक्टरवरील चालक व मालकांविरोधात जळगाव तालुका पोलिस ठाण्यात शुक्रवारी (ता. २३) रात्री बाराला गुन्हा दाखल झाला आहे.

सहाय्यक फौजदार विश्वनाथ गायकवाड तपास करीत आहेत.