जळगाव : शहरात नर्मदास फ्यूचर फिल्मतर्फे खानदेशातील लेखकांनी लिहिलेल्या कथांवर आधारित व खानदेशातील कलावंतांना घेऊन ‘माझी बोली, माझी वेबसीरिज’ या एपिसोडिक वेबसीरिजचे शूटिंग सुरू झाले आहे. (shooting of episodic dialect web series 'Majhi Boli, Majhi Web Series' started jalgaon news)

या वेबसीरिजमध्ये प्रत्येक कथेचे लेखक वेगवेगळे असून, कथेतील कलाकारही त्या त्या अनुषंगाने बदलणार आहे. या वेबसीरिजचे वैशिष्ट म्हणजे लेखक, दिग्दर्शक, कलाकार आणि संपूर्ण टेक्निकल टीम खानदेशातीलच असून, त्याला जळगाव जिल्ह्यातील कलावंतांचा उत्तम प्रतिसाद मिळत आहे.

ही वेबसीरिज पब्लिक फंडिंगच्या माध्यमातून तयार होत असून, वेबसीरिजसाठी एक निर्माता नसून अनेक निर्माते आणि दाते निर्मितीसाठी मदत करीत आहेत. या धर्तीवर होणारा हा जिल्ह्यातील पहिलाच उपक्रम आहे.

हेही वाचा : प्राप्तिकर उत्पन्न सवलत मर्यादा वाढणार?

या वेबसीरिजचे दिग्दर्शक प्रशांत सोनवणे असून, त्यांनी आतापर्यंत ‘मायमाउली मनूदेवी’, ‘लढा शिक्षणाचा’, आणि ‘एक नंबरचा ढ’ चित्रपट तयार केले आहेत. तसेच त्यांच्यासोबत दिग्दर्शक म्हणून किरणकुमार अडकमोल आणि निर्मितीप्रमुख ऋषिकेश भरत धर्माधिकारी आहेत. याव्यतिरिक्त कॉश्चूमसाठी पूनम जावरे, सहाय्यक दिग्दर्शक म्हणून पवन इंद्रेकर, सागर अत्तरदे असून, कॅमेरा तेजस भंगाळे सांभाळत आहेत.