मंडणगड (रत्नागिरी) :कोराना विषाणू संसर्गाचे पार्श्वभूमीवर सुरक्षेच्या विविध उपाययोजनात आघाडी घेणाऱ्या मंडणगड नगरपंचायतीने शहरातील प्रत्येक नागरीकांस कापडी मास्क पुरवण्याची योजना तयारी केली असून या योजनेचा शुभारंभ ता.27 मार्च रोजी नगराध्यक्षा आरती तलार, मुख्याधिकारी संतोष माळी यांच्या उपस्थितीत कोंझर येथे करण्यात आला.

हेही वाचा -अन् पुणेकर चाकरमानी आल्या पावली परतले...

शहर परिसरातील बाजारपेठेत सुरु असलेल्या जीवनावश्यक सेवांचे दुकानदार व पोलीस कर्मचारयांनाही मास्कचे वाटप करण्यात आले. विषाणू संसर्गाचे कालावधीत बाजारात मास्कचा तुटवडा आहे. याशिवाय बाजारातील मास्क एकदा वापरल्यावर परत वापरता येत नाहीत या समस्येवर मात करण्यासाठी शहरातील महिला बचत गट व शिवण काम करणारे  व्यवसाईकांना संपर्क करुन कापडी व धुवून वापरता येतील असे मास्क तयार करण्यात येत आहेत. ते मास्क नगरपंचायत कार्यक्षेत्रातील सर्व नागरीकांना नगरपंचायत पोहच करीत आहे. शहारातील प्रत्येक नागरीकांस मास्क देणे हे नगरपंचायतेचे कर्तव्य असून लवकर नगरपंचायत नागरिकांच्या घरापर्यंत मास्क घेऊन दारी येणार असल्याचे मुख्याधिकारी संतोष माळी यांनी या निमीत्ताने स्पष्ट केले आहे.

हेही वाचा - कोरोना मुक्त गाव करायचा आहे मग करा हे उपाय....

प्रभागांनंतर तहसिल, पोलिस ठाणे परिसर निर्जंतुकीकरण
 मंडणगड नगरपंचायत कोरोनाच्या पार्श्वभूमीवर नागरिकांचे आरोग्य निरोगी राहण्यासाठी विविध उपाययोजना करीत आहे. कार्यक्षेत्रातील सर्व प्रभाग, सार्वजनिक ठिकाणे, बस स्थानक व तहसिल कार्यालय, पोलिस ठाणे परिसरात फवारणी करून परिसर निर्जंतुकीकरण करण्यात आले. तसेच दरदिवशी शहरात बदलत्या वातावरण आणि नगरपंचायतीने केलेल्या उपाययोजना नागरीकांपर्यंत पोचवण्यासाठी गाडी फिरवून उद्घोषणाद्वारे माहिती दिली जात आहे.