Rahul Dravid On Rohit Sharma And Virat Kohli : बीसीसीआयने अद्याप भारतीय क्रिकेटमध्ये बदल घडवण्याच्या योजनांची अधिकृतपणे पुष्टी केलेली नाही. परंतु श्रीलंका मालिका तसेच न्यूझीलंडविरुद्धच्या मालिकेदरम्यान याचे संकेत मिळाले आहेत. खरं तर हार्दिक पांड्या अधिकृतपणे टी-20 कर्णधार असणार आहे, परंतु विराट कोहली, रोहित शर्मा आणि इतर नियमित टी-20 वरिष्ठ खेळाडू दिसणार नाहीत.

भारतीय क्रिकेट संघाचे मुख्य प्रशिक्षक राहुल द्रविड यांनी संकेत दिले आहेत की रोहित शर्मा आणि विराट कोहलीसारखे वरिष्ठ खेळाडू टी-20 संघातून बाहेर असू शकतात. मुख्य प्रशिक्षकाच्या म्हणण्यानुसार पुढील टी-20 विश्वचषकासाठी संघ तयार करण्यात येत आहे. 2024 मध्ये वेस्ट इंडिज आणि अमेरिकेत टी-20 वर्ल्ड कप होणार आहे.

पुण्यात खेळल्या गेलेल्या दुसऱ्या टी-20 मध्ये श्रीलंकेविरुद्धच्या पराभवानंतर मुख्य प्रशिक्षक राहुल द्रविड म्हणाले, टीम इंडिया 2024 मध्ये होणाऱ्या टी-20 विश्वचषकासाठी पुनर्रचना करत आहे. द्रविडच्या मते आमचा संघ खूप प्रतिभावान आहे. त्यामुळे तरुणांनी संयमाने काम करण्याची गरज आहे. मुख्य प्रशिक्षकाकडून मिळालेल्या या संकेतांवरून हे स्पष्ट झाले आहे की, संघ व्यवस्थापन टी-20 इंटरनॅशनलमध्ये रोहित शर्मा, विराट कोहली आणि केएल राहुल यांच्या पुढेचा विचार करत नाही.

दरम्यान, द्रविडच्या टिप्पण्यांचे स्पष्टीकरण देण्यासाठी इनसाइडस्पोर्टने बीसीसीआयच्या वतीने निर्णयकर्त्यांशी संपर्क साधला. बैठकीदरम्यान उपस्थित असलेल्या बीसीसीआयच्या एका अधिकाऱ्याने इनसाइडस्पोर्टला सांगितले की, तिन्ही फॉरमॅटमधील वरिष्ठ खेळाडूंना या योजनेबद्दल माहिती देण्यात आली आहे. एकीकडे ऑक्‍टोबरमध्‍ये होणार्‍या एकदिवसीय विश्‍वचषकावर लक्ष केंद्रित केले आहे, तर दुसरीकडे संघ व्‍यवस्‍थापन 2024च्‍या टी-20 विश्‍वचषकासाठी वेगळी तयारी करत आहे.