नवी दिल्ली ः कोरोनाच्या महामारीने लॉकडाऊनच्या बंदीत सर्व उद्योगधंदे बसले. अनेकांच्या नोकऱ्यांवर गदा आली, कॉस्ट कटिंग आणि पगारही कमी झाले; पण विराट कोहलीवर त्याचा परिणाम झाला नाही. उलट तिजोरीच भरली. इंस्टाग्रामवर पोस्टद्वारे सर्वाधिक कमाई करणाऱ्या जगभरातील खेळाडूंमध्ये विराट सहाव्या स्थानी आहे आणि एकमेव क्रिकेटपटूही आहे.
नुकत्याच जाहीर झालेल्या फोर्ब्जच्या सर्वाधिक श्रीमंत खेळाडूंत एकमेव क्रिकेटपटू असलेला विराट सोशल मीडियावरही इतर कोणत्याही क्रिकेटपटूंच्या तुलनेत सर्वाधिक फॉलोअर्स असलेला खेळाडू आहे. इंस्टाग्रामवरील सर्वाधिक कमाई करणाऱ्या खेळाडूंत पोर्तुगिजच्या ख्रिस्तियानो रोनाल्डोने पहिला क्रमांक मिळवताना त्याने पारंपरिक प्रतिस्पर्धी लिओनेल मेस्सीला पाठीमागे टाकले आहे.
इंस्टाग्रामवरील खेळाडूंच्या कमाईबाबत प्रसिद्धी झालेल्या आकडेवारीनुसार, विराट कोहली त्याच्या स्पॉन्सर्स कंपन्यांच्या पोस्टद्वारे जाहिरात करतो आणि त्यातून त्याने 3 लाख 79 हजार 294 पौंड (भारतीय रुपयांत 36 कोटी 23 लाख) कमावले आहेत. यातील प्रत्येक पोस्टसाठी तो 1 कोटी 29 लाख रुपये तो मिळवतो.
सर्वाधिक कमाई करणारा ख्रिस्तियानो रोनार्लोडने 18 लाख 82 हजार 336 पौंड कमावले आहेत. चार स्पॉन्सर्सकडील एका पोस्टद्वारे तो 4 लाख 70 हजार 584 पौंड मिळवतो. रोनाल्डोनंतर लिओने मेस्सी आणि नेमारचा क्रमांक लागतो. त्यांची कमाई अनुक्रमे 12 लाख आणि 11 लाख पौंड अशी आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.