India vs New Zealand 2nd T20I Weather Forecast : भारत आणि न्यूझीलंड यांच्यातील तीन टी-20 सामन्यांच्या मालिकेतील दुसरा सामना रविवारी आज होणार आहे. माउंट माउंगानुई येथे दोन्ही संघ आमने-सामने येणार आहे. वेलिंग्टनमध्ये पावसामुळे पहिला सामना रद्द झाला होता. त्यानंतर दुसऱ्या सामन्यातही पाऊस पडण्याची भीती चाहत्यांना आहे. माउंट माउंगानुई येथे आता जोरदार पाऊस सुरू आहे.

हवामानाच्या अंदाजानुसार, दुसऱ्या टी-20 सामन्यात मुसळधार पाऊस पडू शकतो. असे झाल्यास हा सामनाही पावसामुळे रद्द होईल. माउंट माउंगानुई येथे तापमान 15-21 अंश सेल्सिअसच्या आसपास राहण्याची शक्यता आहे. AccuWeather नुसार, दिवसभर ढगाळ वातावरण असणार आहे. सकाळी हलक्या पावसाची शक्यता आहे, जो दुपारपर्यंत जोरदार होईल.

स्थानिक वेळेनुसार संध्याकाळी 7.30 वाजता माउंट माउंगानुई येथे सामना सुरू होईल. दुपारी दोन वाजेपर्यंत पाऊस अपेक्षित आहे. सायंकाळी चारच्या सुमारास पावसाचीही शक्यता आहे. त्यानंतर सामन्यादरम्यान हलका पाऊस पडण्याची शक्यता आहे.