IND vs SL : भारत श्रीलंकेतील तिसऱ्या वनडे सामन्यापूर्वी भारतीय संघाला मोठा धक्का बसला आहे.

हेही वाचा : सूर्यकुमार...भारतीय क्रिकेट मधला 'लंबी रेस का...'

तिसऱ्या सामन्यासाठी भारतीय संघाचा प्रशिक्षक राहुल द्रविडची प्रकृती खराब झाल्याचे सांगितले जात आहे. त्यामुळे द्रविड संघासोबत तिरूअनंतपुरमला न जात थेट बंगळुरूला रवाना झाला आहे.

भारतीय संघाने श्रीलंकेविरुद्ध एकदिवसीय मालिकेत 2-0 अशी आघाडी घेतली आहे. दोन्ही संघातील शेवटचा सामना तिरुअनंतपुरममध्ये रविवारी (15 जानेवारी) होणार आहे. मात्र, त्या आधीच संघाचा प्रशिक्षक राहुल द्रविडची तब्येत बिघडली आहे.

दुसऱ्या सामन्यादरम्यान द्रविडला ब्लडप्रेशर संबंधित त्रास होऊ लागला होता. त्यानंतर डॉक्टरांनी त्याची तपासणी केली होती.

द्रविडच्या तब्येतीबाबत काळजी करण्यासारखं काही नसल्याचे बीसीसीआयने स्पष्ट केले आहे. तसेच रविवारच्या सामन्यपूर्वी द्रविड संघासोबत तिरुअनंतपुरममध्ये सामील होईल असे सांगितले जात आहे.