राजकोट : येथे सुरू असलेल्या दुसऱ्या एकदिवसीय सामन्यात टीम इंडियाच्या मनिष पांडेने घेतलेल्या नेत्रदीपक झेलची सध्या तुफान चर्चा रंगते आहे.
ऑस्ट्रेलियाचा डावखुरा सलामीवीर आणि तुफानी फलंदाज डेव्हिड वॉर्नरने आपल्या लौकिकाला साजेल अशी धडाक्यात सुरवात केली. मात्र, त्याला मोठी खेळी करण्यात अपयश आले.
डावाच्या चौथ्या षटकात मोहमंद शमीला जोरदार फटका मारताना तो मनिष पांडेकडे झेल देत झेलबाद झाला. पांडेने हवेत उंच उडी मारत वॉर्नरचा सुरेख झेल टिपला. आणि ऑस्ट्रेलियाला पहिला धक्का बसला.
तत्पूर्वी, टीम इंडियाच्या फलंदाजांनी कांगारुंपुढे 340 धावांचा डोंगर उभारला. यामध्ये सलामीवीर शिखर धवन, कर्णधार विराट कोहली आणि के. एल. राहुल यांच्या अर्धशतकी खेळींचा समावेश आहे.
शेवटची काही षटके शिल्लक असताना फलंदाजीसाठी मैदानात आल्यानंतर मनिष केवळ 2 धावा काढून परतला. मात्र, पांडेला फलंदाजीमध्ये काही कमाल आली नसली तरी त्याने ही कसर क्षेत्ररक्षणामध्ये भरून काढली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.